habó. Ngunyan na aga kan ipighahapot mi ika asin
kan magsabi ako na tibáad kun naghalé tanganing magpahayag nin pagkamoot sa iba? sominimbag sakuyá: !awot pa logod! asin hominibi."
Serio si Ibarra.
"Sabihi si Maria na boot ko syang makaólay na kami sana."
"Kamo sana?" an hapot ni Sinang na kominorondot asin hiniling sya.
"Bakó nanggad na kami sana; alágad kaipuhan na dai ito."
"Mapáwot na gayo; alágad, dai ka mahandal, sasabihon ko saiya."
"Asin noarin ko maaraman an simbag?"
"Noodmá, omatab ka sa harong. Si Maria habó nanggad na magogsad, pigiibanhan mi sya; borobanggi nagsusurosobli kami kasi Victoria na magtubay saiya; sa aga turno ko. Alágad dangogá, asin su tágong-hilom? mahalé ka na dai mo sakó isinabi su nagngongorog na gayo?"
!Totoo! nagdúman ako sa banwaan nin Los Baños, eesplotaron ko an kaniyogan, tara nagiisip akong magpatindog nin sarong fábrica; an saimong amá iyo an sakong kabakas."
"Iyo sana iyán? !Anong tágong-hílom an síring!" an hagayhay ni Sínang sa malúyang tingog asin sa daging nin sarong sinobá na parapatubó; "sa sakong pagloba..."
"Bahalá ka! dai akong pahintógot na ibuyagyag mo iyán!"
"!Dai akong interés!" an simbag ni Sínang na bominisngag su dongó. "Kun orog lámang kamahalaga, sasabihon ko sa sakong mga kaúgay-nin-boot; alágad! mamakal nin niyog! niyog! siisay an may interés sa niyog?"
Asin naghumari sa paghanap sa saiyang mga katood.
Pagkaaban-abán, nagpaarám si Ibarra kan makita
nyang daing ibang sasampotán kan katiripunan na ito
kundi magpurawás; mamoromondó su panglawog ni
Capitán Tiago, daing girong asin nagmamasid si Linares., su cura sagin maogma, nagtataram nin mga bagay
na bakong midbid. Dai sa mga daraga nin lominuwas
giráray.
