—“Asin italagang nasa-saiya!” an sabi sa hababang tingog ni Padre Salvi pagluwas.
“Hilingon ta kun siisay an maenot na maglakbay!” an dugang nin saro pang franciscano.
“Ngunyan tolos maduman na ako!” an dai nang pagsarig na sabi ni Padre Sibyla.
“Asin kami sa samong mga lalawigan!” an sabi kan mga agustino.
Dai matitios nin lambang saro na huli sa sala nin sarong franciscano maging malipot an pagresibi sainda kan Saiyang Kahalangkawan.
Nasompongan ninda si Ibarra sa pagilaog sa bidang. Dai nagpatinaraong-galang, alagad may mga paghirilingan na nagsasabi nin dakol na mga bagay.
Alagad kan magpakahalé na su mga fraile, pinataratara sya kan Alcalde asin iginawagaw saiya su kamot siring sa dati nang nagtotood, alagad dai nakapagolay huli kan pagdatong kan kagawad na pinaghahanap su hagbayon.
Ipigsagomok sa tata si Maria Clara: dakol man na mga bagay an mga isinabi sa paghiling ninda magkasi, alagad laen man na gayo sa pinagorolayan kan mga mata kan mga fraile.
Plus na itom su nagugtbing ni Ibarra. Moninong syang ominatubang asin dominokong gayo, minsan ngani dai naging marhay na gilagila saiya an pagdalaw kan mga fraile.
Sominabat saiya nin nagkapirang lakad su Capitan General.
“Namomongayahan akong bulanos, gindong Ibarra, na makaptan ko an saimong mga kamot. ,Togote ako na akoon ko ika sa laog nin “kapaniwalaan.”
Pinaghihilinghiling asin inoogid na talaga kan Saiyang Kahalangkawan su hagbayon dara an hayag na gayong kamongayahan.
—"Seňor ... an siring kadakilang kabansayan ...!'
“Dai ako napaglalapastanganan kan saimong pagtaka, nangangahologan sakuya na dai mo pinaghahalat sako an marhay na pagako: !ini pagborongborong borong sa sakong pagkamatanos!”’
“Sarong mapagkatood na pagakd, seňor, sa sarong daing halagang kampon kan Saiyang Kamahalan na
