polong taon ka sa San Diego asin naghalé ka... dai ka nasinangan (11) kan banwaan?”
Sa hapot na ini, na ginibo sa ugaleng tingog asin haros aliwalas, panalé siyang (12) nadaihan nin kagayagayahan asin tominonong nin pagngisi.
“!Dai!” nagsimbag nin ogsak si Fray Damaso asin panaleng hominorandig sa horandigan kan sillon.
Nagpadagos nin pagtaram su dominico sa sarong lalong daing pakimanong tingog:
“Sukat na ikasingpil nin boot an pagtalikod sa sarong banwaan na enerokan sa laog nin duwang polong taon, asin ta midbid na gayo siring sa nasosolot na gubing. Ikinamondo su sakong paghalé sa Kamiling, bago nagkapirang bulan sana ako duman... alagad iyong ginibo kan mga superiores sa karahayan kan Comunidad... sa sadiri ko man na karahayan.”
Kan banggi pa sanang ito garong dai natitiwasay si Fray Damaso. Tominolop nin panalé sa alindoonan kan saiyang natutukawan na sillon, asin sominabi na garong maaposan:
“O igwang Katinubdan o dai, kun sa pagkasayod, talingkas an mga cura o bako? Napahamak an Kaporoan, napahamak!”
Asin tominolop naman giraray.
Nagtaka su kagabsan, kan salingoyon su katiripunan; itinongkahal kan dominico su saiyang payo sa paghiling saiya sa irarom kan saiyang salming sa mata. Ominodong su duwang daplé (13) sa saindang paglakawlakaw, nagpahinilingan sinda nin kadikit kan saindang panigmit sa ngipon, asin nagpadagos kan sain- dang paglingalinga.
“Baldi ta dai mo inapod na ‘Igagalang!’” hininghingan ni Sr. Laruja su hagbayon na bulaw su buhok.
“Ano, po an boot mong sabihon? ano pong nangyayari saimo?” magkasi naghapot su dominico asin su teniente na nagkakalaen su daging kan tingog.
“!Huli kaiyan minaabot an dakol na mga karatan! An mga hereje pinangangatigan kan mga nagkakapot kan pamahalaan laban sa mga kasalihid nin Dios!” an padagos kan franciscano na initaas su saiyang gogom na kamot.
“Ano, tabi, an boot mong sabihon?” naghapot giraray su korondot na teniente na bominuhatbuhat nin kadikit.
“Ano an muya kong sabihon?” an olit na tataramon
