asin nalilibong kan mahusay na mangatanosan na iyo si B. de Luna; huli kan “distingos” ni Fray Sybila, si B. de Luna nakakaaarog sa sarong parasira na nagdadakop nin kasili sa pamamatahaw lamang nin sayod. Kadikit na magtaram su Dominico, asin garo pinagtotorotimbang ngona su mga tataramon, bago hinihilas.
Alagad idtong saro, su franciscano, matinaram asin mahiroon na marhay. Minsan ngani pinaglalatawan na siya nin uban, garong naiingatan pa niya an saiyang matabang panglawas. Huli kan saiyang lawog na mabansay, kan saiyang mga hilingon na dai nakakapagdolot na gayo nin kamoninongan [sic], minaluwas siyang garong hiyantang romano (8) na nagbabalatkayo, asin minsan bakong sa katuyohan, magigiromdoman nindo an saro kaidtong tolong monje na pinagsasabi ni Heine sa saiyang “Mga Dioses sa Destierro,” na sarong matangang banggi kan bulan na Septiembre, duman sa Turol nagsarakay sa sarong barka sa danaw, asin mandiitdiit binobugtakan nin monédang pirak su kamot kan piloto, na malipot pa sa hielo, asin an siring na gawé ipinagtatakang bulanos kaidtong dukhang parahapit. Minsan siring, si Fray Damaso bakong makangangalas na siring kan mga ito; maogmahon siya asin kun ogsak an daging kan saiyang tingog siring kan sa sarong tawo na dai pa nakakagat kan saiya mansanang dila, na naghohonang ano man na saiyang banal asin dai sa pagkabaklé, an saiyang mamongaya asin tapat na pagngisi iyong minapara kan bakong marhay na ining kamatean, asin mapipiritan pa ngani an siisay man na patawadon siya kan pagpahiling sa bidang nin mga bitis na daing calsetin asin mga mabarahibong tabay namagkakaigwa nin halangkaw na halaga kun ibugtak sa mga biladyaan sa Quiapo.
Saro kan mga particular, sarong saday na lalaki, maitom su biungot, daing ibang napapalaén kundi su dongo na kun gagayodén sa pagkadakula kaidto, dai manigong maging saiya; su sard man sarong hagbayon na bulaw su bihok, garong minddatong pa sana lamang sa Kaporoan; ini asin su franciscano naghampangan sa sarong maribokon na pagpasthay.
“Makita mo na sana ogaring,” sabi kan franciscano; “kun mga pirang bulan ka na digdi sa Kaporoan, paniniwalaan mo an sakong mga sinasabi saimo; sarong
