kun maniwalá kita sa mga estadistas, an kaluluwasdn iyo na pakatapus na mapahamak magkagtirang man an riboribong mga tawo sa laog nin daing kabilangdn na mga sangbahad bago dumatong sa kinaban an Paratu- bos, pakatapus na an sarong aki nin Dios magadan huli satuyaé, ngunyan lima sana an makakaligtas sa lam- bang sangribo may duwang gatós? Oh! hayag na dai! marhay pang sumabi ako asin tumobod na siring ki Job: Hihigpitan mo ddéw an ipinapdlid na dahon asin an alang na barokábok? !Dai! an siring na kapahama- kan dai sa pangyari, sarong panarangin, dai, dai!...”
“Arin an muya mo? an Sandagan (191) okun an Diosnon na Kalinigan...”
“!Oh!, Alagad dai pang paglalang Aram na kan dios- non na Sandagan asin Kalinigan an mangyayari ngapit!”’ nangingibigkibig asin tuminindog na suminimbag su magurang. “An paglalang, an tawo, bakong kakula- ngan, dai kaipuhan, kaya dai stikat linalang kan Dios na iniho, dai. Kun sa paghanap kan kagayagayahan nin saro, kaipuhan an panahén na daing katapusan an ginatos na mga tawo, asin gabos huli sa pinagmanang mga pakalapas asin sa halipot lamang na hidalé. !Dai! Kun talagang siring, tooka an aki mong natotorog; kun an siring na paniwala bakong paglanghad sa Dios na iyo an Orog Kadakilang Karahayan, kun siring itong Moloc na fenicio na an ipinagbubihay mga tawong inaratang asin dugo nin mga dai pang pagalamaam, asin sa laog kan tulak kaini nagrarabaraba su mga aking pinirit agawon sa pagkatangol kan saindang mga ina, an dios na ining makidugé, an makangingir- hat na pagkadios na iydn, saiyang kataid baga sarong maluyang daraga, sarong kaugay nin boot, ina kan Kasangtawohan.”
Asin tagob nin kangirhatan, su harong binayaan kan rongaw o kan filésofo asin dominalagan sa lansangan na dai binale su oran asin su kadikloman.
Sarong makangingirhat na kikilat na may kasabay na katakottakot na dagoldol na nagwardas sa angkas nin makagagadan na mga silyab, nakabangraw sa gurang na, gawgaw su magibong na kamot sa langit, nagku- kurahaw:
“!Nagpapahadyag ka! dram ko na bakó kang maba- ngis, batid ko na Ika sana an sikat kong apodén nin ‘An Marahayon!’”
