daing magpa-inda mag̃na tauo gabos
sa conventong anan sinda nag̃naggoboc,
Di sucat masabi capasalamatan
(ineligible) Obispo nin tauong cadaclan,
sa irarom nin boot olay na pagtaram:
salamat, ó Sr., samong Cagurangnan.
Maogma cutâna mag̃na hirôhirô
nin huli sa limos saindang inacô:
alagad may salac nin mag̃na pagmondô,
ta con minasugmat an lugad sa pusô,
An paglogologo nin ibang magurang
sa irarom nin boot olay na pagtaram:
an Señor Obispo quita linimosan
sa hustong pagsorog sa may casaquitan.
Totoong pagsorog asin pagcaherac,
satong taga Libog, na dai nin sucat,
bilang pag-ayuda na dî mapahamac
magadan sa gotom maluya tang hauac.
An ultimong olay: Dios an magbalos
sa Señor Obispo, satuya cagsacop,
amang mabiayâ, auot paman logod
itao an bendición sa satuyâ gabos.
Asin ta amponon na maantabayan,
nin paquimaherac sa Dios na mahal,
patin camo naman, ó padreng cadaclan,
salamat saindo can mag̃na pagtabang.
Mantâ camo g̃nanî iyong casalihid
nin Divino Jesús, pagsacat sa Lag̃nit;
nya cami naman na mag̃na seglares,
g̃nonian napa-alao sa saindong bagsic,
Icaduang naglimos can camapobrehan
sa Banua nin Libog caiyan mismong bulan,
Señor Gobernador sa provinciang Albay
sagcod sa iba pa na mag̃na mayaman,
