kaso, an paggamit kan mga rekurso sa naturales.
Sek. 8. An Estado kaipuhan, sa pana-panahon, rebisahon na mapalangkaw an mga pensyon asin iba pang mga benepisyo para sa mga retirado magin sa gobyerno asin sa mga pribadong sektor.
Sek. 9. An Estado kaipuhan tawan proteksyon an mga konsumedores sa maraot na mga praktis kan negosyante asin sa hababang kalidad o nakakaraot na mga produkto.
Sek. 10. An Estado kaipuhan magtao nin palakaw sa palibot para sa enterong pagpapauswag kan kapabilidad nin Pilipino asin an pagluwas kan mga istrukturang pangkomunikasyon na tama sa mga pangangaipo asin mga aspirasyon kan banwa asin an pantay na pagbulos nin impormasyon sa laog asin sa luwas kan nasyon, segun sa palakaw na pigrerespeto an katalingkasan sa pagtaram asin sa pamamahayag.
Sek. 11 (1) An pagsasadiri asin an pagpapalakaw kan mass media kaipuhan ilimitar sa mga syudadano kan Pilipinas, o sa mga korporasyon, mga kooperatiba, o mga asosasyon, na sadiring entero asin pigmamaneho kan nasabing mga syudadano.
An Kongreso kaipuhan iproporsyon o ipagbawal an pagmonopolya kan mga komersyal sa mass media kun kinakaipuhan an seguridad kan Estado. Daing kombinasyon sa pagraot o bakong rasonableng kompetisyon sa negosyo an tutugutan.
(2) An industryang adbertaysing na nakakapukaw kan mga interes publiko, kaipuhan limitaran kan ley para sa proteksyon kan mga konsumideros asin sa pagpalangkaw sa karahayan kan kagabsan.
An mga syudadanong Pilipino sana o mga korporasvon o asosasyon na igwa nin setenta porsyento an kapital na sadiri kan nasabing mga syudadano an tutugutan sumale sa industryang adbertaysing.
An partisipasyon kan mga negosyanteng estranghero sa pamamayo sa mga negosyo kan nasabing mga industriya kaipuhan ilimitar sa proporsyon na kantidad kan saindang kapital, asin an gabos na ehekutibo asin mga namamahalang opisyal kan nasabing mga negosyo kaipuhan mga syudadano kan Pilipinas.
