edukasyon sa enterong grado asin maggibo nin mga medyos tanganing
an kagabsan makakua kan nasabing edukasyon.
Sek. 2. An Estado kaipuhan:
(1) Mag-establisar, magmantenir, asin magsuporta sa kumpleto, husto, asin integradong sistema nin edukasyon na igwang kahulugan sa mga kaipuhan kan mga tao asin kan sosyedad;
(2) Mag-establisar asin magmantenir nin sarong sistemang libreng edukasyon sa mga gradong elementarya asin sekundarya. Bako sa paglimitar sa diretsong natural kan mga magurang sa pag-ataman kan saindang mga kaakian, an edukasyon elementarya magigin sapiritan sa gabos na aking nasa edad nin pag-eskwela;
(3) Mag-establisar asin magmantenir nin itinataong iskolarsyip, mga programang pantay an pribelihyo sa mga estudyante, mga tabang pinansyal, asin iba pang insentibo na bukas para sa mga deserbing estudyante sa mga publiko asin pribadong mga eskwelahan, lalo na sa mga daing sukat;
(4) Enganyaron an mga sistemang edukasyon na non-formal, in-formal, asin indigenous o solong pakanuod, siring man an independyente o sadiring pag-adal, mga programa sa pagtukdo-sa-mga nasaluwas-kan-eskwelahan, lalo na idtong minatugon sa mga kaipuhan kan komunidad, asin
(5) Magkaag, para sa mga may-edad na syudadno, sa mga biyadi, asin sa dai-sa-laog-kan-eskwelahan na mga kaakian, nin mga pagtukdo sa sibiko, pakanuod bokasyonal asin iba pang kakayahan.
Sek. 3. (1) An gabos na institusyon edukasyonal kaipuhan magkaigwa nin pag-adal kan Konstitusyon na kaiba sa kurikula o kurso,
(2) Kaipuhan ititukdo an pagkamakabanwa asin pagkanasyonalistiko, pagkamoot sa tawo, pag-apresyar sa mga ginibuhan kan mga heroe sa pagtabang ninda sa pagpauswag kan historya kan nasyon, itukdo an mga diretso asin gibuhon nin pagkasyudadano, pakusugon an mga gawing etikal asin ispiritwal, pagpapauswag kan karakter moral asin disiplina personal, enganyaron an kritikang pag-iisip asin pagka-
