organisasyon para sa epektibo asin rasonableng partisipasyon sa gabos na klaseng sosyal, politikal, asin pagdesisyon ekonomiko kaipuhan dai ipagbawal. An Estado kaipuhan, segun sa ley, padali an pag-establisar
kan mga paagi nin hustong konsultasyon.
Sek. 17. (1) Sa paagi kaini mumuknaon an sarong independyenting opisina na aapudon Komisyon sa mga Diretso nin Tawo.
(2) An Komisyon kaipuhan kompwesto nin Tagapamayo asin apat na Myembro na mga tubong-aking syudadano kan Pilipinas asin an kadaklan sainda mga myembro kan Bar. An termino kan serbisyo asin an iba pang kwalipikasyon kan mga myembro kan Komisyon kaipuhan itao kan ley.
(3) Sagkod na an Komisyon dai nabibilog, an nageeksister na Komite Presidensyal sa mga Diretso nin Tawo kaipuhan iyo an magpalakaw kan presenteng mga gibohon asin mga poder.
(4) An aprobadong pondo kan Komisyon kaipuhan itao tolos asin regular na ipaluwas.
Sek. 18. An Komisyon sa mga Diretso nin Tawo kaipuhan igwa kan mga minasunod na gibuhon asin mga poder:
(1) Mag-imbestigar, sa saindang sadiri o sa mga reklamo nin ibang lado, kan gabos na klase nin pagbayular sa mga diretso nin tawo kaiba an mga diretsong sibil asin pulitikal;
(2) Mag-adaptar nin mga susundon sa pagpapalakaw, mga reglamento nin prosedimyento, asin magsangat nin demanda manungod sa mga pagbayular kaini segun sa mga Reglamento kan Korte;
(3) Magkaag nin mga tamang reglamentong legal sa proteksyon kan mga diretso nin tawo para sa gabos na persona sa laog kan Pilipinas, siring man sa mga Pilipinong nageestar sa ibang nasyon, asin magtao nin reglamentong minaprohibir, asin tawan nin tabang na legal an mga daing sukat na pigbayular an mga diretso o siisay man an nanga-
