An pahina na ini pigbalido
Komisyon manungod sa mga iriwal sa eleksyon na imbwelto an mga elehidong opisyales sa banwaab asin baranggay kaipuhan panghuri, maipapaotob asin dai maiaapelar.
(3) Magdesisyon, apwera duman sa mga manungod sa diretso sa pagboto, gabos na kahaputan manungod sa eleksyon, kairiba an pagdeterminar kan bilang asin lokasyon kan lugar nin botohan, nombramyento kan mga opisyal asin inspektor, asin rehistrasyon kan
mga botante.
(4) Magsugo, sa pag-oyon kan Presidente, sa mga sanga asin kasangkapan na nagpapa-otob kan ley kan Gobyerno, kaibahan an Pwersa Armada kan Pilipinas, para sa iksklusibong katuyuhan na makasiguro sa libre, areglado, malinig, matoninong asin kapani-paniwalang eleksyon.
(5) Magrehistro, pagkalihis nin hustong pagpublikar, an mga partido, mga organisasyon o mga koalisyon pampulitika, na apwera sa iba pang mga kinakaipuhan, dapat magpresentar kan saindang plataporma o program kan gobyerno, asin midbiron an mga nanonongdan sa banwa kan Komisyon sa Eleksyon. Dai kaipuhan irehistro an mga denominasyon asin sektang panrelihyon. Kaipuhan man na haboan an pagrerehistro sa mga nagmamawot na makamtan an saindang katuyuhan sa paagi nin karaotan o mga kontra paagi, o maghabo na suportahan asin sumunod sa konstitusyon na ini, o sinusuportahan kan arinman na gobyerno kan ibang nasyon.
An mga kontribusyong pinansyal sa mga partido, organisasyon, koalisyon o mga kandidatong pampolitika na hale sa mga gobyerno kan ibang nasyon asin mga sanga kaito na igwang relasyon sa mga eleksyon ipamumugtak na pakikilabot sa mga trabaho kan nasyon asin kun aakuon, magiging dagdag na basehan sa pagkansela sa pagkarehistro ninda apwera sa iba pang mga padusa na pwedeng itao kan ley.
(6) Base sa beripikadong reklamo o sa sadiri kaining inisyatibo, maghampang nin mga petisyon sa korte manungod sa pag-iba o paghale kan mga botante sa rehistro kan mga kwalipikadong botante; imbestigaron asin, kun pupwede, persigiron an mga pagkontra sa
mga ley sa eleksyon kairiba an mga gibo o omisyon na ipinamumugtak na pandadaya, mga pagkakasala asin maraot na trabaho sa eleksyon.
(7) Magrekomendar sa Kongreso nin mga epektibong paagi tanganing mainaan an paggastos sa eleksyon, kairiba an limitasyon kan mga lugar na kakagan kan mga materyales sa propaganda asin mapugol
