Kun dai nakapili o dai naging dapat an sarong Presidente asin Bise Presidente, o kun sinda parehong nagadan o permanenteng nabaldad an Presidente kan Senado o kun dai kaini kaya, an Ispiker kan Kamara de Representante an sapat na mag-aktwar na Presidente sagkod na makapili asin maging dapat an sarong Presidente o sarong Bise-Presidente.
Kaipuhan magdeterminar sa paagi nin ley an Kongreso para sa pagpili nin sarong tawo na maaktwar na Presidente sagkod na maging kwalipikado an sarong Presidente o sarong Bise-Presidente, kur mangyari an pagkagadan, permanenteng pakabaldado o daing-kaya kan mga opisyal na sinasambit sa sinusundan na parapa. Sek. 8. Kun mangyari an permanenteng pagkabaldaho, pagkagadan, paghale sa serbisyo o pagdimitir kan Presidente, an Bise-Presidente an dapat maging Presidente na masirbe para sa dai natapos na parte nin termino kan panahon nin pagserbisyo. Kun mangyari an permanenteng pagkabaldado, pagkagadan, pagkahale sa serbisyo o pagdimitir kan Presidente, ang Presidente kan Senado o, kun dai kaini kaya, an Ispiker kan Camara de Representante, kun siring an maaktwar na Presidente sagkod na maelehir asin maging dapat an Presidente o Bise-Presidente.
Kaipuhan magdeterminar sa paagi kan ley an Kongreso kun siisay an masirbeng Presidente kun mangyari an pagkagadan, permanenteng pagkabaldado, o pagdimitir kan minaaktwar na Presidente. Siya dapat magsirbe sagkod na an Presidente o Bise-Presidente maelehir asin maging dapat, asin kaipuhan mapasa-irarom sa siring na mga pagbabawal kan mga poder asin diskwalipikasyon na kapareho kan minaaktwar na Presidente.
Sek. 9. Kung noarin man na igwang bakante sa Opisina kan Bise-Presidente sa laog kan panahon kan pagsirbe na naelehiran sa saiya, an Presidente dapat magnombrar nin sarong Bise-Presidente hale sa mga myembro kan Senado asin kan Camara de Representante sa dapat magsirbe sa oras na makumpirmar kan mayoryang boto kan gabos na mga myembro kan dwang Camara kan Kongreso sa separadong pagboto.
Sek. 10. An Kongreso kaipuhan magpoon nin pagsesyon alas dies nin aga kan ikatolong aldaw pakalihis na mabakante an mga pwesto kan Presidente asin kan Bise-Presidente, segun sa mga reglamento kaini na dai na kaipuhan apodon, asin sa laog nin pitong aldaw magibo nin
