Lulugadon co an pastor,
- asin magcacauarasac an manada nin magña carnero.
32 Alagad gñapit sa pagcabuhay co liuat mageenot aco sa saindo sa Galilea.
33 Tará si Pedro somininbag na sinabihan sia, Minsan an gabos macacua nin dahelan na icararaot dian saimo, acó sa noarin pa man day macacácua caini.
34 Si Jesús nagsabi saiya, Sa catotoohan, sasabihan co icá, na guunian na bangui, day-pa minaturaoc an manoc, papaindahan mo acó nin macatoló.
35 Nagsabi sa saiya si Pedro, Minsan pa macaipuhan na acó magadan sa caiba mo, sa anoman na bagay day taca papäindahan. Asin gabos na magña discipulo nagsarabi nin siring mail.
36 Dagñan napaduman si Jesús na caiba sinda sa sarong lugar na inaapod Getsemaní; asin sinabihan an saiyang magña discipulo, Magturucao camo digdi, sagcod na acó macapaduman asin mamibi.
37 Asin ipinagiba nia si Pedro asin an duang áqui ni Zebedeo, nagpoon siang magmondo, asin malipogñao nin macuri.
38 Dagñan si Jesús nagsabi sainda, Mamondoon na gayo an calag co sagcod sa pagcagadan, panalat camo digdi, asin magpuruca camo sa sacô.
39 Asin paglacao nin diit sa oroenotan, napucan napalaob, asin namibi na nagsabi: Ama co, cun sucat mangyayari, macalihis sa saco ining copang ini, alagad bacong an boot co, cundi an saimo,
40 Asin nagharani sia sa saiyang magna discipulo, asin nadatgñan sinda magña tororog; asin sinabihan si Pedro Tádao? ¿day camó nacapagpuruca sa sacô nin sarong oras?
41 Magpurucá camó asin mamibi camú, ta gñaning day camó macalaog sa sugot; an espiritu sa catotoohan andam, tará an lamán maluya.
42 Napadumán liuat, sa icaduang balic, asin namibi na
