sacuya si daculang ciudad na mahal nin Jerusalem, na naghihilig halê sá lagñit nin Dios,
11 Na igua can caliuanagan nin Dios; asin si ilao ó liuanag nia nacacabaing baga sa sarong mahalagahon na gapó, siring sa gapong jaspe, maquintab na siring can salming.
12 Asin igua nin cotâ na dacula asin halangcao na iguang cagduang tatá; asin dian sa magña tatá, iguang cagduang ángeles, asin magña gñaran na násusurat, na iyo si magña gñaran nin cagduang tribu ó guinicanan can magña áquî ni Israel.
13 Sa siragñan tolong tatá; sa amihanan tolong tatá; sa odtohan tolong tatá; sa solnopan tolong tatá.
14 Asin si codal ó cotê nin si ciudad iguang cagdua na sinisicaran, asin dian caiyan sa sainda namumugtac si cagduang gñaran nin si cagduang apóstoles nin Cordero.
15 Asin itong naquiquigolay sa sacuya, igua nin sarong panocol na sarong cauayan na bulauan sa pagsocol can ciudad, asin can saiyang magña tatá, patin can saiyang cotâ.
16 Asin si ciudad namumugtac asin guinibong igua nin apat na lado ó pandoc, asin sa calabaan nia siring man sana can saiyang calacbagñan: asin sia sinocol itong ciudad caitong cauayan, igua nin cagduang ribong estadios:* si calabaan asin si calangcauan patin si calacbagñan nia anan na ararog sana.
17 Asin sinocol si cotá nia, may sangatos apat na polô may apat na manico, sa socol nin lalaqui, na ito iyo si sa ángel.
18 Asin an casangcapan nin si saiyang cotâ baga jaspe: alagad si ciudad siring sa bulauan na ánas, cabaing can salming na malinao.
19 Asin si magña pinasicaran nin si cotâ nin ciudad nasasamnohan nin gabos na gapong mahalaga. Si enot na sinisicaran Jaspe; si icadua, zafiro; si icatoló, calcedonia; si icaapat, esmeralda.
20 Si icalima, sardónica; si icaanom, sardio; si icapito, crisólito; si icaualó, berilo; si icasiam, topacio; asin si icasampolô, crisopraso; si icacagsaro, jacinto; si icacágdua, amatista.
* Estadio sarong estadio may 242 varar.
