nagpanburuhat sinda, asin dimintong si daculang tacot sa magña nagpacahiling sainda caiyan.
12 Asin nacadagnog sinda nin sarong daculang tigñog sa lagñit, na nagsasabi sa sainda: Sumacat camo digdi. Asin nagpanacat sinda sa lagñit sa sarong pagñanoron, asin si. magña caiual ninda pinaghiling sinda.
13 Asin can panahon na idto nangyari an daculang conogconog nin dagâ, asin si sarô sa sampolo cabtang nin si ciudad ay nagaba, asin nagcagaradan sa linog nin daga an bilang na pitong ribong magña catauohan: asin si magña iba nagcacurubhanan, asin nagñagpamurauay sinda sa Dios nin lagñit.
14 An icaduang agragñay ó ¡Ay! nacalihis na: alagad uya digdi, an icatolong ¡ay! madatong sa madalê.
15 Asin si icapitong ángel pinatanog si trompeta nia, asin nagning dadaracol na magña tigñog duman sa lagñit, na nagsasabi: An magña cahadêan nin quinâban naguing magña cahadéan nin samuyang Cagurangnan, asin nin saiyang Cristo : asin ta maghahadê sagcod lamang.
16 Asin si duang polô may apat na magña magugurang na nagtuturucao sa atubang nin Dios sa saindang magña tutucauan, nagpandoroco, asin nagñagsamba sinda sa Dios,
17 Na nagsabi: Nagpapasalamat cami, Cagurangnan na Dios na mapangyari sa gabos, na dating iyo ica, asin sagcod ceito, patin na iyo an madatong ica, huli ta quinamtan mo an saymong dacnlang capangyarihan, asin naghade ca.
18 Asin nagcaarangot si magña naciones, asin si saymong caangotan domintong na, asin si panahon nin magña gadana, tagñaning mahocoman, asin tagñaning itao mo an balos sa saymong magña oripon na si magña profetas, asin.sa magña banal, asin sa magña natatacot can say mong gñaran, asin sa magña sadagnoton asin sa magña daraculâ, patin ta gñaning laglagon mo si magna naglaglag can dagâ.
19 Asin an Simbahan nin Dios nabucasan sa lagñit, asin si Arca nin saiyang Tipan nahiling sa laog nin saiyang Simbahan. Asin nangyaring naguing magña lilintî asin magna tignog asin magña dagoldol asin magna linog patin dadaracol na magña tônog ó ambon.
