AN ICATOLONG SURAT
NI
APÓSTOL
SAN JUAN.
Plantilya:Bar
IYO SANANG CABTANG.
1 An magugurang sa labing namomótan nagayong si Gaio, na sa saiya namomoot aco sa catotoohan.
2 Namomotan, aco nagmamauot na magui cang mapalad sa gabos na magña bagay, asin na magcaigua ca nin carahayan nin buhay, siring man sana an saymong calag na nasa carahayan.
3 Sa catotoohan nangayod naogma aco nin macuri nin si pagdaratong nin si magña tugang, asin nagñagtao nin pagsacsi dapit can saymong catotoohan, siring sa ica naglalacao sa catotoohan.
4 Day mayó aco nin orog ca daculang caogmahan condi ini, an pacadagñog na si sacuyang magña áquí naglalacao sa catotoohan.
5 Namomótan, sa pagcamaimbod guiniguibo mo an gabos mong guiniguibo manogñod sa magña tugang, asin sa magña taga ibang nasacupan.
6 Na sinda nagñagpatotoo dapit can saymong pagcamoot sa atubang nin Iglesia ó catiriponan: na sa sainda con tumabang ca siring sa maninigó olay nin Dios, macacahimo ca nin marhay.
7 Huli ta sinda nagñaglacao huli sa pagcamoot can saymong gñaran, na day quiminua nin anopaman sa magña Gentiles.
