AN ENOT NA SURAT SA CAGABSAN
NIN
APÓSTOL
SAN JUAN.
Plantilya:Bar
CAPITULO I.
1 Itong dati magpoon sa capinónan, itong nadagñog niato, itong naquita niato can satuyang magña matá, itong natorohocan niato, asin dinoonan nin si satuyang magña camot manogñod sa Verbo ó guinahá nin cabuhayan;
2 (Huli ta an cabuhayan ipinahayag, asin naquita niamo, patin pinapatotoohan niamo, asin binabaretá niamo sa saindo itong buhay na daing catapusan, na iyan duduman sa caibahan nin Amá, patin póminabiling ó timinugña sa samuyá;)
3 Itong naquita niamo patin nadagñog, iyan ibinabalagñibog niamo sa saindo, tagñaning camo man magcaigua nin paropaquinabang sa caibahan niamo: Asin an samuyang paquinabang sa catotoohan iyo an sa Amá, asin sa saiyang áquí na si Jesucristo.
4 Asin ining magña bagay na ini isinusurat niamo sa saindo, tagnaning an saindong caogmahan maotob.
5 Asin ini iyo si togon na nadagñog niamo sa saiya, asin ibinabaretá niamo sa saindo: Na an Dios iyo an ilao, asin dian sa saiya mayó nin anoman na cadicloman.
6 Con quita magsasabi na igua quitang paropaquinabang sa saiya, asin naglalacao quita sa magña cadicloman, nagpuputic quita, asin day niato guiniguibo an catotoohan;
7 Alagad con maglalacao quita sa caliuanagan, siring sa saiya na nasa caliuanagan, igua quitang paropaquinabang sa
