16 Háros ta an Cagurangnan man sana sa pagcurahao, sa tigñog nin arcángel, asin sa trompeta nin Dios, mahilig halé sa lagñit; asin si magña gadan dian qui Cristo magcacaburuhay na enot:
17 Dagñan quita, si magña nabubuhay, quita si magña naualat ó natadá sa pagiriba ninda aagauon quita dian sa magña pagñanoron sa pagácó sa Cagurangnan ó sa pagsabat sa Cagurangnan dian sa doros, asin siring mainumugtac quita guiraray sa caibahan nin Cagurangnan.
18 Cayá magñagparagña-ragña camo camo man sana sa magña tataramon na ini.
1 Alagad dapit can magña panahon, asin nin magña gñunian na nagaágui mayó camo, magña tugang, nin caipuhan na suratan co pa camo:
2 Háros ta camo nacacatalastas nin marhay, na an caaldauan nin Cagurangnan madatong siring baga sa mahábon con bangui,
3 Na con magsarabi, Catoninogñan asin capaniualáan, dagñan madatong sa sainda an calaglagan na padadalé, siring can magña colog sa babaeng bados; asin day magpapacadolag.
3 Alagad camo, magña tugang, day camo nasa sa magña cadicloman, tagñaning itong aldao na ito paticbahan camo siring sa mahábon;
5 Háros ta camo gabos anan na magña áquí nin ilao ó caliuanagan, asin magña áquí nin caaldauan, bacó quitang sa bangui, bacó man na sa magña cadicloman.
6 Cayá, day sucat quita magcatorog na siring can magña iba; condi gñani na magpuca quita asin magña mahigñat.
7 Háros ta si magña natotorog, sa bangui nagñagñatorog; asin si magña nagcacabororat, con bangui nagcacabororat.
8 Alagad quita na magña sa aldao, magpacahigñat quita, magñaggubing nin macacalipod ó mahibog na pagtubod asin pagcaherac, asin an paglaom na carahayan na bilang sa lipod.
