AN SURAT
NIN
APÓSTOL SAN PABLO
SA MAGÑA
TAGA FILIPOS.
Plantilya:Bar
CAPITULO I.
1 Si Pablo asin si Timoteo, na magña oripon ni Jesucristo, sa gabos na magña santos dian qui Cristo Jesús na nasa Filipos sagcod sa magña Obispos asin magña diáconos:
2 An biyayá macamtan nindo, asin an catoninogñan nin Dios na satuyang Amá asin nin Cagurangnan na si Jesucristo.
3 Nagpapasalamat aco sa sacuyang Dios sa bilog na pagguiromdom co sa saindo,
4 Sa guiraray sa gabos cong magña pagpamibí na naggña-gñayó-gñayó aco huli sa saindo gabos sa caogmahan,
5 Huli can saindong paquinabang ó pagcasararó dian sa evangelio, magpoon can enot na aldao sagcod gñunian:
6 Na nagsasarig aco dapit caiyan, na si nagpoon sa saindo can marhay na guibo, tatapuson ó papacarhayon niya iyan sagcod sa aldao ni Jesucristo;
7 Háros ta matanos na aco magmaté caiyan sa saindo, gabos huli ta nalalaog co camo sa sacuyang pusó; asin sa sacuyang magña pagcabilangó, asin sa pagsorog asin pagpatotoo ó pagpacarígon can evangelio, anan camo gabos na sacuyang magña caibahan sa sacuyang biyaya.
8 Huli ta an Dios iyo an sacuyang sacsi dapit can pagcamoot co sa saindo gabos dian sa laog can hauac ni Jesucristo...
9 Asin iyan an pinaquiquimaherac co, na an saindong pag-
