32 Asin pagralaog ninda sa sacayán, an doros ominontoc.
33 Asin an magña nasa sacayan, nagdoroloc, na nagsaramba saiya asin nagsarabi, Totoong gayo na icá an Aqui nin Dios.
34 Asin can macatalaboc na sinda can danao, nagdaratong sa dagâ nin Genesarét.
35 Asin can mamidbid sia can magña tauo sa lugar na idtó, nagsorogo sa bilog na dagâ caidtong palibot, asin pigdarará saiya si gabos na naghebelang;
36 Asin naquiquimaherac saiya na togotan sinda na ipaticuil lamang an gayad nin si saiyang gubing: asin si gabos na nacaticail saiya, nagcaoromayan na gayo.
1 Dagñan nagdirigdi qui Jesús an magña escriba asin magña Fariseo guican sa Jerusalem, na nagsarabi,
2 Tádao ta naglalapas an sainong magña discipulo can togon nin magña magurang? ta day naghuhurugas can magña camot cun nagcacaracan can tinapay.
3 Alagad sia nagsimbag, na sinabihan sinda, Camó man tádao ta naglalapas camo can togon nin Dios dahel sa saindong bareta?
4 Huli ta an Dios nagtogon, na sominabi, Galagñan mo an saimong amâ asin an saimong inâ; asin, An maglanghad sa amá ó sa inâ magagadan na gayo.
5 Tarâ camo nagsasarabi, An magsabi sa amá ó inȧ; Inaatang co sa Dios idto gabos na icalingcod co saymo.
6 day na maggagalang sa saiyang ama, Cun siring sinayang nindo an tataramon nin Dios dahel can saindong baretâ.
7 Parasaguin-saguin, macagñalasgñalas an pagcabulâ sa saindo ni Isaias, na nagsabi:
8 Ining banua sa magña gñabil sana iguinagalang-aco alagad an saiyang puso harayo sa sacô:
9 tará sayang sana an pagsaramba sa sacô, ta nagtotocdô nin magña togon na magña togon nin tauo.
