1 Si Pablo, na apóstol, (bacong dahel sa magña tauo, nin huli sa pagcatauo, condi huli qui Jesucristo asin huli sa Dios na Amá, na biminuhay liuat saiya sa magña gadana),
2 Asin an gabos na magña tugang na uya sa sacuyá, sa magña Iglesias sa Galacia:
3 An biyayá mapa saindo, asin an catoninogñan nin Dios na Amá, asin ni Jesucristo cagurangnan niató,
4 Na sia iminatang sa saiya man sana huli sa satuyang magña casalan sa pagligtas sa satuya sa panahon na ining maraot, siring sa cabótan nin Dios asin Amá niató;
5 Na mapa saiya an camurauayan sa magña panahon nin magña panahon. Auot pa.
6 Napapagñalas aco na macuri ca dalé na maglapas camo caito na nag-apod sa saindo sa biyaya ni Cristo, ta na pagňuyog camo sa ibang Evangelio:
7 Bacó na iguang iba, condi na igua nin nagcacapira na nag pupurisao sa saindo, asin boot nindang raoton an Evangelio ni Cristo.
8 Alagad minsan con cami ó sarong ángel sa lagnit mag- balagñibog sa saindo nin ibang Evangelio na laen can ipinag balagñibog niamo sa saindo, (sucat na isicual nindo).
