tataram an gabos nin manlaenlaen na tataramon? ¿Nagtatao nin cahologan an gabos?
31 Minsan siring higñoaha nindo an orog cararahay na magña balaog háros ta papahayagan co pa camno nin sarong dalan ó paaguing orog camahalaga ó halangcauon.
1 Con aco magtataram sa tataramon nin magña tauo asin nin magna ángeles, asin day aco nin pagcaherac, mapapaniring aco sa sarong metal na nagdadaguing, ó sa campana na nagtatanog ó bagting.
2 Asin con igua aco nin pacapagroquiao, asin macacatalastas can gabos na magña misterios ó güagñalasan asin can bilog ó gabos na pacasabot; asin con magcaigua man aco nin bilog na pagtubod, na malampas baga an magña bolod, asin day mayó aco nin pagcaherac, day mayó aco nin anonan na halaga.
3 Asin con pagbaragñaon co an gabos cong rogaring sa paguaras nin cacanon sa magña dukha ó daing sucat, asin con idolot co an sacuyang hauac ta gñaning totogñon, asin day aco nin pagcaherac, day aco mayó nin papaquinabagñon.
4 An pagcaherac matíoson, naboot; an pagcaherac day mayó nin caurihan, an pagcaherac day minaguibo nin daing catanosan, day nagpapaabhao;
5 Bacong paralanghad, day naghahanap can manogñod sa saiya, day napapaangot, day naghohonáhoná can maraot;
6 Day nagoogma sa cabicoan, condi nagoogma sa catotoohan;
7 An gabos tinitios, an gabos tinutubod, an gabos hinahalat, an gabos pinapásan.
8 An pagcaherac day sucat sagcod mapapárá: alagad an magña panhulá magcacatarapus, asin magcacatarapus an magña pagtataram na laenlaen, asin an pacasabot paparáon:
9 Háros ta sa cabtang namimidbid niamo, asin sa ibang cabtang nagtotood cami ó tiuotodan niamo;
10 Alagad con domatong na itong mahusay, ó sangcap, dagñan mahahalé itong nasa cabtang sana.
