sinda an magña áquí nin Dios; condi itong magña áquí nin capanugáan, mabibilang sa capagaraquían.
9 Háros ta an tataramon nin capanugáan iyo ini: Háros ta sa panahon na ini madatong aco, asin si Sará magcacaigua nin sarong áquing lalaqui.
10 Asin bacong ini sana; condi man si Rebeca magñigñidam nin saró, sa qui Isaac na satuyang Amá,
11 (Háros ta day pa namumundag, asin day paman nacaguinibo minsan marhay minsan maraot, tagñaning an gayac nin Dios siring sa cabótan, bacong huli sa magña guibo condi huli caitong nagaapod, macapagdanay;)
12 Isinabi sa saiya na an orog cadaculá maglingcod sa orog casaday.
13 Siring sa nasusurat: Sa qui Jacob namoot aco, alagad qui Esaú naugñis aco.
14 Cayá anong sasabihon niato? ¿Na igua nin cabicóan dian sa Dios? Day nangayod sa anoman na bagay.
15 Alagad qui Moises an olay: Maheherac aco sa maheheracan co, asin maaanyaya aco sa sucat maanyayaan co.
16 Cayá na bacong sa caitong namomoot, bacó man sa nagdadalagan, condi sa Dios na igua nin pagcaherac.
17 Háros ta an Escritura ó Casuratan nagsasabi dapit cay Faraón: Na manogñod man sana caini, pinatindog taca sa pagpahayag dian sa saymo can sacuyang cabagsican, asin na an gñaran co maipag balagñibog sa bilog na dagá.
18 Na con sa bagay si itong may pagcamoot may pagcaherac; asin an namomoot pinaparigon.
19 Cayá sasabihan mo aco gayod: ¿Cayá tádao ta naaángot? háros ta, siysay an macaca tumang sa saiyang cabótan?
20 Alagad, oh tauo siysay ca na maquipagpasuhay sa Dios? Macacasabi an bobog na dagá ó basong daga ó daod sa caguibo sa saiya: ¿Tá dao ta guinibo mo aco nin siring?
21 ¿O day nin capangyarihan an paraguibo nin sado ó dolay sa pacaguibo dian sa sarong pagmasa niya man sana nin sarong sado ó daod na macacaómao asin an saró ó iba macacasоpog?
