36 Huli gñani ta an magña bagay na ini day mapapaindahan, caipuban na day na camó magririboc, asin day mag-guibo nin anoman na day gñôna inisip.
37 Huli ta dinará nindo digdi an magña tauong ini, na baco man magña mahâbon sa magña templo, asin day man nagrarapsac sa satong diosa.
38 Cun si Demetrio gñani asin an magna panday na cairiba nia, iguá nin anoman na sombong tumang sa qui-isay man, borocás an magña hocomún, asin iguá nin magña procónsul: magñagsorombogñan sinda sinda man sana.
39 Tará cun iguá camong anoman na mapadapit sa ibang bagay, maninigong hatolan sa sarong tunay na catiriponan.
40 Huli ta madali quitáng isombong na magña parariboc* dapit can caribocan gñunian, na day nin anoman na dahelan na huli caini macataó quítá nin catanosan dapit sa catiriponan na iní.
41 Asin pacasabi nia caini, pinabalêna si catiriponan.
Si Pablo sinongcô liuat an Macedonia asin an Grecia;
pacatapus napadumán su Asia.1 Asin pacatapus can caribocan, ipinaapod ni Pablo an magña discipulo, asin pacahatol sainda, asin pacacogosa, nagpaaram sia, asin naglacao pasiring sa Macedonia.
2 Asin can malibot na nia an magña cadagaan na idtó, asin pacataó nia nin dacol na hulit, napadigdi sa Grecia.
3 Asin paca-ontoc nia dumán nin tolong bulan, asin can masacay na sia cutâna pasiring sa Siria, pinag-isipan sia na guibohan nin maraot nin magña judio, caya pinagmarhay nia na bomalíc sa Macedonia.
4 Asin inibaban sia sagcod sa palibot nin Asia, ni Sopatro na tagá Berea, áqui ni Pirro; asin ni Aristarco, asin ni
- Sediciosos.
