10 huli ta uya acó saimo, asin day nin si-isay man na macacaguibo saimo nin maraot; huli ta dacol an sacong banuaan sa ciudad na ini.
11 Asin ominontoc dumán nin santaon may anóm na bulan, na pinagtotocdoan sinda can tataramon nin Dios.
12 Tará huli ta si Galión iyo an procónsul sa Acaya, an magña judio nagcasararo sa pagburuhat tumang qui Pablo, asin dinará sia ninda sa hocoman,
13 na nagsarabi, Na sia pinagpapasonod an magña tano na lingcodan an Dios tumang sa casogoan ó ley.
14 Alagad can magtatarám na si Pablo, sinabihan ni Galión an magña judio, Cun ini saróng bagay bagá na tumang sa catanosan ó saróng magabat na casalan, Oh magña judio, dapit sa catanosan titioson ta camó;
15 alagad cun dapit sa magña pagpasuruhay sa magña tataramon asin sa magña, gñaran asin sa saindong sadiring catanosan, camú na an tataó saindo; habô acong mani hocom sa magña bagay na ini.
16 Asin pinahalê sinda sa hocomán.
17 Dagñan quinaptan can gabos si Sóstenes, poón nin sinagoga, pinaghahampac ninda sa atubang nin hocomán: asin si Galión day nin anoman saiya da pit caining bagay.
18 Asin si Pablo, paca-ontoc pa nia dumán nin haloy na magña aldao, nagpaaran sa magña tugang, asin nagsacay pasiring sa Siria, asin caiba nia si Priscila asin si Aquila; na ipinacaris nia an saiyang bohoc sa Cencrea, huli ta sia may penuga.
19 Asin nagdoroong sinda sa Efeso, asin iuinalat nia sinda dumán; asin sia lominaog sa sinagoga, naquipagsubay sa magña judio;
20 Asin can sinda naquimaherac siya na-paualat sia sainda nin cadiguit pang panahon; alagad day sia nagpahonod,
21 cundi nagpaaran sainda, na sominabi, Magbabalic acó liuat sa saindo, cun ipagcatalagá nin Dios, Asin naghalê sia sa Éfeso.
22 Asin pagdoong nia sa Cesarea, tominocad sia sa Jerusalem; asin pacataó nia nin cagalagñan sa Iglesia napaduman sa Antioquia,
