MAGNA APÓSTOLES 13 & 14.383
50 Alagad si magña Judio nasadol an magña babayeng banal, asin an magña poón na tano sa ciudad, asin nagburuhat nin paglamág tumang qui Pablo asin qui Bernabé, asin pinahalè ninda sa saindang magña daga ó nasasacopan.
51 Sinda gñani pinalpag tumang sa sainda an cabocabo nin saindang magña bitis, asin nagdurumán sa Iconio.
52 Asin an magña discipulo paranô nin caogmahan, asin nin Espíritu Santo.
sa Derbe. Pagdacol asin paglalamȧg.
Pagbalic sa Antioquia.1 Asin nangyari sa Iconio, na nagcasarabay sindang magralaog sa sinagoga nin magña Judio, nagtarám sinda nin siring, na nagtubod si saróng daculang cadaclán nin magña Judio, asin magña Griego.
2 Alagad an magña Judio na day nagturubod, sinotsotan ninda asin pinagpacaraot an boót nin magña Gentil tumang sa magňa tugang.
3 Nag-orontoc gñani sinda dumán haloy na panahon, nanarig sinda sa Cagurangnan, ta tinatauán niang patotoo an tataramon nin saiyang biyaya, na itinatalagá an magña tandâ asin magña gñagñalasan na guibohon nin saindang magña camot.
4 Alagad nagcaborobaragñá an cadaclán sa ciudad; asin an magña ibá dapit sa magña Judio, asin an magña ibá dapít sa magña apóstol.
5 Asin can nag-gagarayác sinda an magña Judio asin an magña Gentil, na caibá an saindang magña poón, ta paggagarapôón sinda asin pagrarauayan sinda,
6 asin can maisihan ninda, nagdorolág pasiring sa Listra asin Derbe, magña ciudad nin Licaonia, asin sa bilog na dagang palibot:
7 asin dihan nagpaualat sinda, ipinaghuhulit an evangelio.
