21 Asin sa saróng aldao na itinalaan, si Herodes, nacagubing nin sa pagca hade, asin nacatucao sa saiyang tucanan, sinaysayan sinda.
22 asin an banua cagcurahao, na nagsasabi, Tigñog nin Dios, asin bacó sa tauo.
23 Asin tolos man saná an ángel nin Cagurangnan linugad sia, huli ta day sia nagtaó nin camurauayan sa Dios; asin nagadán sia quinaracán nin magña olod.
24 Alagad an tataramon nin Caguranguan nagtatalobo, asin nagdadacol.
25 Asin si Bernabé asin si Saulo nagbaralíc na halê sa Jerusalem, can maotob na ninda an saindang catongdan, asin ipinag-ibá man ninda si Juan, na gñinagñaranan na Marcos.
1 Igua gñani sa Iglesia na nasa Antioquia, nin magña profeta asin magña paratocdo, siring qui Bernabé asin qui Simeón na inaapod na Niger, asin si Lucio na tagá Cirene, asin si Manaen, na tugang sa gatas ni Herodes na tetrarca,† asin si Saulo.
2 Asin dagñan na ining magña ini naglilincod sa Cagurangnan, asin nag-aarayuno, nagsabi an Espíritu Santo: Ibolág nindo saco si Bernabé asin si Saulo, sa guibo na huli caini inapod co sinda.
3 Dagñan, can macapag-arayuno na sinda asin nacapamîbî na, asin pacabugtacan can magña camót sa sainda, pinalacao na sinda.
4 Sinda, gñani, na magña sinogó nin Espíritu Santo, naghirilig sa Seleucia; asin magpoón dihan nagsaracay sagcod sa Cipro.
- Nag-guiguibo nin magña gnagñalasan.
† Poon sa icaapat na cabagnâ nin cahadean.
