1 Asin sa panahon man sanang idtó hinonát ni Herodes an saiyang magña camót, ta papadusahan an magña iba sa Iglesia.
2 Asin guinadan sa minasbad si Santiago, na tugang ni Juan.
3 Asin pagcahiling na ini iquinaogmá nin magña Judio, ipinadagos man niang ipadacop si Pedro. Sa magña aldao gñani nin tinapay na daing levadura.
4 Asin can madacop na sia, ibinogtác sia sa bilangoan, asin itinaó sia sa apát na boniog na magña soldado, na mang apát-apát balang sarò, ta gňaning bantayán sia; na pinag- iisipan siang iatubang sa banua pacatapus nin Pascua.
5 Si Pedro gñani binantayan sa bilangoan: asin an Iglesia guiniguibo si dayaday na pamîbî sa Dios huli sa saiya.
6 Asin can harani na siang cuaon ni Herodes, can bangui man sanang iyan na nagcacatorog si Pedro sa tahao nin duáng soldado, nagagapos nin duáng cadena, asin an magña bantay sa atubang nin magña pintó, na nagbabantay can bilangoan.
7 Asin, uya digdi, an sarong ángel nin Cagurangnan tominaid sa saiya, asin an sarong ilao lominiuanag sa bilangoan: asin tinicuil si Pedro sa caguiririan, pinucao sia na nagsabi, Bumuhat cang madali. Asin tolos man saná nagcahorolog an magña cadena sa saiyang magña camót.
8 Asin an ángel sinabihan sia, Maghageós ca, asin igacod mo an saimong magña sandalias. Asin siring an guinibo. Asin sinabihan sia, Isabod mo sa saimo an gubing mo, asin somonod ca sacû.
9 Asin lominuas sia, nagsonod saiya si Pedro, asin day caini naiisihan na totoong gayo an guinibo nin ángel, cundi an pag-isip nia nacahiling sia nin sarong catorogan.
10 Asin can macaagui na sinda sa naenot asin icaduang bantay, nagdaratong sa pinto na langsang na pasiring sa ciudad; na ini nabocsán na nagsadiri sa sainda; asin pacaluás ninda,
- Jacobo ó Santiago.
