14 Asin si-isay man na day sa saindo omaco, ni magdagnog can saindong magna tataramon, paglaas nindo sa harong na idto o ciudad, palpagon nindo tumang sa sainda an cabo-cabo nin saindong magna bitis.
15 Sa catotoohan sinasabi co saindo, na an padusa maguianguian pa sa daga nin Sodoma asin nin Gomorra sa aldao nin paghocom, qui sa ciudad na idto.
16 Uya digdi, aco minasogo sa saindo siring sa magna magpacacordero sa tahao nin magna marignis na hayop; magpacamayocod gnani camo siring sa magna halas, asin magna mabini siring sa magna salampati.
17 Magpacaignat camo sa magna tauo, huli ta itatao camo sa magna hocoman, asin sa saindang magna sinagoga hahampacon camo;
18 asin dadarhon camo sa atubang nin magna gobernador asin nin magna hade dahel sa saco, sa pagpatotoo sa sainda asin sa magna nacion.
19 Alagad cun ipagatubang na camo, day camo masibot cun papaanon nindo o cun ano an sasabihon nindo; huli ta sa oras man sanang yan ipagcacatalaga sa saindo an saindong sasabihon;
20 huli ta baco camo an magtataram, cundi an Espiritu nin saindong Ama an nagtataram sa saindo.
21 Asin itatao can tugang an tugang niya sa cagadanan, asin can ama an aqui; asin an magna aqui magtitirindog tumang sa saindang magna magurang, asin sinda ipapagadan.
22 Asin magcacaorognisan camo nin gabos dahel sa gnaran co: tara an magdanay sagcod sa catapusan, ini macacaligtas.
23 Cun camo gnani pinaglalamag sa sarong ciudad, magdorolag camo pasiring sa iba; huli ta sa catotoohan nagsasabi aco saindo na day pa nindo gayod nalalacao an magna ciudad nin Israel, sagcod na pomadigdi an Aqui nin tauo.
24 An discipulo bacong iyo an mapaorog sa saiyang maestro, asin an oripon day mapaorog sa saiyang cagurangnan.
25 Igo na sa discipulo na maguing siring sa saiyang maestro, cun an ama nin familia inapod nindang Beelzebul, ¿gurano dao sa magna casaroan sa saiyang harong?
