366MAGNA APÓSTOLES 9.
9 Asin tolong aldao sia na day nacahiling; asin day nagcacan asin nag-inom.
10 Asin may saróng discipulo caiyan sa Damasco, na gñinagñaranan Ananias; asin ini sinabihan nin Cagurangnan sa catorogan: Ananias. Asin sia sominimbag: Uya acó, Cagurangnan.
11 Asin an Cagurangnan sinabihan sia, Tomindog ca, asin padumán ca sa dalan na inaapod na Matanos, asin ipaghapot mo sa harong ni Judas an sarò na gñinagñaranan si Saulo, na tagá Tarso: huli ta uya sia, namimîbi;
12 asin nahiling nia an sarong lalaqui na gñinagñaranan na Ananias, na minalaog asin ibinobogtac si magňa camót sa saiya, ta gñaning macahiling.
13 Dagñan si Ananias sominimbag, Cagurangnan, nadagñog co sa cadaculan dapit sa tauong ini, goranong magña carâtan guinibo sa saimong magña santo sa Jerusalem.
14 asin minsan digdi, may capangyarihan sa gñaran nin magña poón nin magña sacerdote, na gaposon nia an gabos na magña nag-aapod can saimong gñaran.
15 Asin sinabihan sia can Cagurangnan, Padumán ca: huli ta sia sarong vaso cong pinili, na magdará can sacong gñaran sa atubang nin magña gentil, asin nin magña hadê, asin nin magna áqui nin Israel;
16 huli ta ipamimidbid co sa saiya cun goró-goránóng magña bagay an maniniogo niang tioson dahel sa gnaran co.
17 Napadumán gñani si Ananias, asin lominaog sa harong; asin ibinogtac an magña camót sa saiya, na sominabi, Saulo, tugang, an Cagurangnan, na iyo, si Jesús, na napahiling saimo sa dalan sa pagpadigdi mo, sinogo acó sa saimo, ta gñaning acôón mo an pacahiling, asin mapanô ca nin Espíritu Santo.
18 Asin tolos man saná nagcahorolog sa saiyang magña matá si magña garong quísquís, asin nacabalic an pacahiling: asin sia tominindog, binoniagan sia;
19 asin pacacacán, cominosog sia.
Asin sia ominontoc nin nagcapirang aldao sa magña discipulo na nasa Damasco.
