1 Tará si sarong lalaqui na inaapod na Ananias, caiba an saiyang agom na si Safira ipinagpabacal an sarong sadiri,
2 asin quinuá an iba nin saiyang halagá, na naiisihan man ini nin saiyang babaye, dinará an sarong cabagñâ, asin ibinugtac ini sa magña pamitisan nin magña apóstol.
3 Si Pedro sinabihan sia, Ananias, ¿tádao ta sinohot ni Satanás an saimong pusô ta gñaning magputic ca sa Espíritu Santo, asin dayaon mo an cabagñà can halagá nin si omá?
4 Na pagpogolon iyan, ¿baco dao idtó saimo ? asin cun nabacal na, baco dao saimo guiraray? tádao ta inisip mo an bagay na ini sa saimong puso? day ca nagputic sa magña tauo, cundi sa Dios.
5 Asin can madagñog ni Ananias ining magña tataramon, napucan, asin naotsán: asin nagdatong an macuring tacot sa gabos na magña nacadagñog caini.
6 Asin nagtirindog an magña baróbatâ, pinagparatos sia, asin dinará sia saluas, ilinobong sia.
7 Asin pacalihis nin may tolong oras, lominaog an saiyang agom na babaye, na day sia nacacaisi can nangyari.
8 Asin si Pedro sinabihan sia, Sabihon mo sa saco, ¿ipinagpabacal nindo nin siring na halaga si omá? Asin sia nagsabi: Oho, sa siring na halagá.
9 Si Pedro gñani sinabihan sia, ¿Tádao ta nagcaoyon camó sa pagsugot sa Espíritu nin Cagurangnan? Uya nasa pintoan an magña bitis nin si magña naglobong can saimnong agom, asin ica man dadarahon ninda sa luas.
10 Asin tolos man saná napucan sa magña pamitisan nia, asin naotsán: asin pinagcurua sia, asin ilinobong sia sa cataid nin saiyang agom.
11 Asin dominatong an daculang tacot sa bilog na Iglesia asin sa gabos na magña nacadagñog can magña bagay na ini.
12 Asin huli sa capangyarihan nin magña camót nin magña apóstol guinibo an balaquidon na magña tanda asin magña gñagñalasan sa banua: asin nagcacasararo sindang nagcacatiripon sa pintoan ni Salomón.
