9 Asin si bilog na banua nahiling siang naglalacao asin nagoomao sa Díos.
10 Asin namimidbid ninda na sia iyo idtong nacatucao na naquiquilimós, sa pintoan na Magayon nin templo: asin nagcaparanô nin pag-gñalás asin nin catacotan dahel nin si nangyari saiya.
11 Asin can nasa caibahan si Pedro asin si Juan can pilay na pinaomayan, an bilog na banua nagdaralao sa sainda sa inaapod na pintoan ni Salomon, na naggñagñaralas.
12 Asin can mahiling ini ni Pedro, sinimbag an banua, Magña lalaquing tagá Israel, ¿tádao ta nag-gñagñaralás camó caini? ó tádao ta hinihiling nindo camí, na garong sa samong sadiring capangyarihan o pagcaherac pinalacao mni ini?
13 An Dios ni Abraham, asin ni Isaac, asin ni Jacob, an Dios nin satong magña magurang pinamurauayan an saiyang Aquing si Jesús na saindong itinaó, asin pinaindahan nindo sa atubang ni Pilato, na pinagmarahay nia na butasan.
14 Tará pinaindahan nindo an Santo asin an Banal, asin saindong hinagad na itáo sa saindo an sarong para-gadan qui tauo.
15 Asin guinadán nindo an Para-laláng nin buhay; na binuhay liuát nin Dios sa magña gadan; na dapít caini anan magña sacsí camí.
16 Asin sa pagtubod sa saiyang gñaran, ini, na saindong nahihiling asin saindong naminidbid, pinacosog sia can saiyang gñaran; asin an saiyang pagtubod sa saiya tinauán sia caining caomayan niang ini sa atubang nindo gabos.
17 Tará gñunian, magña tugang, naiisihan co na huli sa day nindo pacasabot guinibo nindo idtó, siring man an saindong magna poón:
18 Alagad inotob nin siring in Dios an ibinaretá-na sa gñosô nin saiyang gabos na magña profeta, na an saiyang Cristo magtitios.
19 Cayâ gñani, magsorolsol camú, asin magbaralic na an magña puso nindo, ta gñaning magcaparará an saindong magña casalan; tará magdadatong an magña panahon nin caguinhauaan sa atubang nin Cagurangnan ;
