34 Huli ta si David day sominacat sa calagñitan; condi gñani sia man saná nagsasabí, Nagsabi an Cagurangnan sa sacong Cagurangnan, Tumucao ca sa toó co,
35 Sagcod na an saimong magña caiual ibogtac co sa irarom nin saimong magña bitis.
36 Pacatalastason gñani nin bilog na harong nin Israel, na ining Jesús na ipinacô nindo sa cruz, guinibo nin Dios na Cagurangnan asin Cristo.
37 Can madagñog ini, nagsorol-sol sinda sa puso, asin nagsarabi qui Pedro asin sa magña ibang apóstol, Magña tugang, anong guiguibohon mi?
38 Asin si Pedro nagsabi sainda, Magsorolsol camó, asin magcaburuniagan an balang saro sa saindo sa gñaran ni JesuCristo ta gñaning ica pagpatauad an saindong magña casalan: asin aacoon nindo an biyaya nin Espiritu Santo.
39 Huli ta sa saindo an panuga, asin sa saindong magña áqui, asin sa gabos na magña nasa harayo, sa gabos na apodon nin Cagurangnan niatong Dios.
40 Asin sa magña iba pang balaquidon na tataramon na ipinagpatotoo asin ipinaghulit, na nagsabi, Lomigtás camó sa capagaraquian na ini na masiuana.
41 Cayâ na si nag-aracô can saiyang tataramon, binuniagan; asin si magña nacadagdag sa sainda sa aldao na iyan may tolong ribo catauo.
42 Asin nagdaranay an gabos sa hulit nin magña apóstol, asin sa pagpaquinabang asin sa pagbaragñâ nin tinapay, asin sa magña pamibî.
43 Asin an gabos na tauo nagcataracot: asin.balaquidon na magña gñagñalasan asin magña tanda an guinibo nin magña apóstoles.
44 Asin an gabos na magña nagturubod nagcacatiripon; asin gabos nindang magña rogaring anan na rogaring nin gabos.
