12 Alagad an para-patandan, asin bacong siya an pastor, na bacó man niang sadiri an magña carnero, con nahihiling nia na minadatong an lobo,* pinababayaan an magña carnero, asin minadolág; asin an lobo inaágao sinda, asin nag-cacaborolag an magña carnero.
13 Cayâ na, an para-patandan minadolag, huli gñani ta para-patandan, asin day nin pag-macolog sa magña carnero.
14 Acó iyó an marahay na pastor; asin namimidbid co an sacong magña carnero, asin an sacong magña carnero namimidbid man acó.
15 Siring can Ama na namimidbid acó, siring man au pacamidbid co sa Amá: asin ibinubugtac co an sacong buhay dahel sa magña carnero.
16 Asin iguá man acó nin magña carnero na day digdi sa laóm na ini yan magña yan dadarahon co man digdi, asin dadagñogon ninda an sacong tigñog; asin magcacaiguá nin sarô sanang manada ó pagiriba asin saróng pastor.
17 Huli caini an Amá namomótan acó, huli ta itinatao co an sacong buhay ta gñaning cuaon co linát gñapit iyan.
18 Si-isay man day nin macacacuá sacô can buhay, cundi itinataó co sa sacó man saná. Iguá acong capangyarihan sa pagtaó can buhay co, asin iguá acó nin capangyarihan sa pagcuá liuát. An togon na ini inaců co sa sacong Amâ,
19 Nag-capasuruhay gñani liuát si magña Judio dahel can magña tataramon na ini.
20 Asin balaquid sa sainda si nag-sarabi: Iguá ini nin demonio, asin narorogñao, ¿tádao ta nag-hihinaniog camó saiya?
21 An magña ibá nag-sarabi: Ining magña tataramon na ini bacong sa may demonio ¿Mangyayari dao na macapamuclát an demonio can magña matá nin magña botá?
* Mabagñis na hayop,
