16 asin cun acó minahocom, an pag-hohocom co iyo an totoo; huli ta baco acong sarò sana, cundi acó asin an Amá na nagsogó sa sacô
17 Sa saindong casogoan ó ley nasusurat man, na an pag-papatotoo nin duá ca tauo iyo an totoo.
18 Acó an nag-papatotoo dapit sa sacô man sana, asin an nagpapatotoo dapit sa sacó an Amâ na nagsogo sa sacô.
19 Sinda gñani nag-sarabi saiya, ¿Saén camumugtac an saimong Ama? Si Jesús nag-simbag: Day acó nindo namimidbid, asin day man nindo namimidbid an sacong Amâ: cun acó mamidbid nindo, mamimidbíd nindo man an sacong Amà.
20 Ining magna tataramon na ini isinabi ni Jesús sa lugar na pinag-lilimosan, can nag-totocdo sa templo; asin day nin si-isay man na dominacop saiya; buli ta day pa dominatong an saiyang oras.
21 Si Jesús gñani sinabihan sinda liuát, Acó madumán-na, asin camó mag-haharanap sa sacô, asin sa saindong magña casalan mag-cacagaradan camó: Sa padudumanán co, day camo macacapadumán.
22 Nag-sarabi gñani si magña Judio, ¿Tádao mag-hohogot, sia huli ta nag-sasabi, Sa padumanán co camó day macacapadumán?
23 Asin sia sinabihan sinda, Camó magña taga ibabâ; Acó tagá itaas: camó magña tagá digdi sa quinâban pa ini; Acó bacong taga digdi sa quinában na ini.
24 Caya gñani nagsabi-na acó sa saindo, na camó magcacagaradan sa saindong magña casalan: huli ta cun day camó mag-turubod na iyó acó, mag-cacagaradan camó sa saindong magña casalan.
25 Sinda gñani nag-sarabi saiya, Icá ¿si-isay? Si Jesús sinabihan sinda, Yio idtong isinabi co na sa saindo sa enotan pa.
26 Balaquid na magña bagay an isasabi co asin ihohocom co dapit sa saindo; alagad an nag-sogo sa sacô iyó an parapatotoo, asin an magña bagay na nadagñog co sa saiya, ini an pinag-tataram co sa quinában.
