16 Asin dabel caini si magña Judio pinaglalamág si Jesús, asin naghirigñoa na gadanon sia, huli ta nag-guiguibo caining magña bagay na ini sa aldao nin pag-higñalo.
17 Tará si Jesús sinimbag sinda, An sacong Amâ sagcod gñunian nag-guiguibo, asin acò man nag-guiguibo.
18 Asin dahel caini si magña Judio naghihirigñoa nin macuri na gadanon sia; huli ta baco sanang pinaglalapas an aldao nin pag-higñalô, cundi nagsasabi pa na an Dios iyo an saiyang sadiring Ama, naquiquipantay sa Dios.
19 Si Jesús gñani sominimbag asin sinabihan sinda, Sa catotoohan, sa catotoohan sinasabihan co camió, Day macacaguibo an Aqui nin anoman sa saiyang boot, cundi idtong nahihiling guibohon can Amnâ; tará an gabos na guiniguibo caini, ini man sana an guiniguibo nin Aqui.
20 Huli ta an Amâ namomoót sa Aqui, asin ipinahahayag saiya an gabos na guiniguibo nia; asin ipapahayag saiya an magña guibong orog pa cadaraculâ caini, nin huli caini camó mag-gñagñaralas.
21 Tará huling an Amà pinabubuhat an magña gadan asin tinatauan nin buhay, siring man an Aqui tinatauan nin buhay an magña boot niang tauan nin buhay.
22 Huli ta an Amà day naghohocom sa qui-isay man, cundi an bilog na pag-bohocom itinaó sa Aqui;
23 ta gñaning an gabos maggalang sa Aqui siring man sana sa paggalang sa Amâ. An day minagalang sa Aqui, day minagalang sa Ama na sominogo saiya.
24 Sa catotoohan, sa catotoohan sinasabihan co camó, Na an minadagñog can sacong tataramon, asin minatubod caidtong sominogò sa sacô, iguá nin buhay na day nin catapusan, asin day sia bohocoman, háros ta nacalihis na sia sa cagadanan pasiring sa buhay.
25 Sa catotoohan, sa catotooban sinasabihan co caró, Na madigdi an oras, asin gñunian iyo na, na an magña gadan ma-
