26 Asin can dará na sia ninda, hinoron si Simon na tagá Cirene, na halê sa oma, asin ibinabao ninda sa saiya an Crúz ta gñaning pâsanon nia iyan sa budian ni Jesús.
27 Asin nagñag-sosonod sa saiya si sarong cadaclan nin banuâan, asin nin magña cababaehan, na nagtataragñis asin nagñag-aagragñay.
28 Alagad si Jesús pagca-ligñoy sa sainda nagsabi saindá: Magña áqui nin Jerusalem, day aco nindo pagtagñisan, condi mag-tagnis camo huli sa saindo man sana, asin huli can saindong magña áqui.
29 Háros ta uya digdi na madatong an magña aldao na dian mag-sasarabi: Magña paladan an magña day nagñaquing babae, asin an magña tulac na day nagpagñaqui, asin an magña dagban na day nagpasoso.
30 Dagñan mag-poporoon na magtararam sa magña bolod: Rumpag camo sa ibabao niamo; asin sa magña boroboclod: Tamboni cami nindo.
31 Huli ta con sa cahoy na hilao guiniguibo an magña bagay na ini, dian sa alang, ano an guiguibohon?
32 Asin dinará man sagcod sa saiya si duang magña para hábon, na gagadanon.
33 Asin can pagdatong ninda duman sa lugar na gñinagñaranan Bogno (calavera), ipinaraco sia sa crúz duman, asin si magna tulisan, si saro sa totóo, patin si sarò, sa nalá nia.
34 Asin si Jesús nag-sasabi: Ama, patanada sinda háros ta day nacaca-aram can guiniguibo. Asin paca-pagbaragñâa can saiyang magña gubing, pinag-surugalan.
35 Alagad an banuâan nasa sa paghiling; asin pinagoolog- olog sia nin sí magña príncipes sagcod sa sainda, na an magña sabi sa nagña iba nacaligtas sia: lomigtas sia sa saiya man sana, con baga ini iyo an Mesias, na sia an pinili nin Dios.
36 Nagñag-duduhagui man sa saiya si magña soldados, na nagdodoroloc sinda asin pinapahayagan sia nin sucâ.
