24 Asin nangyari sa sainda an sarong pasuruhay, con siysay sa sainda an baga orog cadaculâ.
25 Dagñan sia sinabihan sinda: An magña hade nin catauohan nagsasacop sa sainda; asin si magña may capangyarihan sa sainda pinag-áapod na magña paraguibo nin carahayan:
26 Alagad camo, bacong siring, condî na an orog cadaculâ sa saindo, maguin siring sa orog casadit; asin an maguinôo siring sa paralincod.
27 Háros ta, ¿Arin an orog cadacula, an minatucao sa lamesa? ó an nag mamangno? ¿Bacô na an minatucao sa lamesa? Aco siring caini dian sa saindo na siring sa naglilincod.
28 Alagad camo iyo an magña nagdanay sa sacuyang caibahan sa sacuyang magña catucsohan:
29 Cayâ aco nangayod aandamon co sa saindo an sarong cahadean, siring can sacuyang Amâ inandaman aco.
30 Ta gñaning comacan camo asin omínom camo sa lamesa co duman sa sacuyang cahadean, asin magpaca-tucao camo sa itáas nin trono sa paghocom sa cagduang capag-araquían ni Israel.
31 Nagsabi man an Cagurangnan: Simón, Simón, uya digdi, si Satanás hinagad camo na saligsigon camo siring sa trigo;
32 Alagád naquimaherac aco huli sa saymo na day mag- culang an saymong pagtubod; asin ica, con magbalic cana, parîgona an saymong magña tugang.
33 Asin sinabihan nia sia: Cagurangnan, natátalaga aco sa pagdamay sa saymo minsan sa bilangôan asin sa cagadanan.
34 Asin sia nagsabi: Pedro, sasabihan taca na magpapa- inda ca sa macatoló na day namimidbid mo aco,
35 ¿Can sogôon co camo na mayô nin sopot, mayô nin lalâgan na alat nin cacanon, asin mayong sapin, nagculang an tibaad na? Asin sinda nagsarabi: Day lamang.
36 Asin sinabihan sinda: Alagad gñunian, an may sopot, cuâon iyan, asin man an alat, asin an mayo, ipabacal an saiyang aliboy asin bomacal nin minasbad.
