3 Asin naghihigñóa sia na mahiling si Jesús con siysay; alagad day nacaca-biling huli nin si cadaclan, huli ta sadit sia sa pagcatauo..
4 Asin can pagdalagan sa enotan, siminacat sia sa sarong cahoy na Sicómoro sa paca-hiling sa saiya; háros ta ma-águi duman:
5 Asin can magdatong si Jesús sa lugar na ito, pagcalag- calag nia, na-hiling ito, asin sinabihan sia: Zaqueo, maghumari ca, lusad, háros ta gñunian caipuhan na pomahigñaló aco sa saimong harong.
6 Tará sia naghilig nin madalê, asin sinabat sia nia maogmahon.
7 Asin pagcahiling caini, si gabos nagñag-gñorob-gñorob, na an magña olay, na nag-láog na naquisacat sa sarong tauong para-casala.
8 Dagñan si Zaqueo, pacatindog, nagsabi sa Cagurangnan: Uya digdi, Cagurangnan, an cabagña nin sacuyang magña rogaring tínatáo co sa magña daing sucat; asin con sa calê sa tibáad nang cadiquit nacadayâ aco sa iba, ipinupuli co nang labi nin apat an sangatos.
9 Asin si Jesús sinabihan sia: Gunian diminatong an pacaligtas caining harong na ini; huli ta sia man áquî ni Abraham.
10 Huli ta an áquî nin tauo diminatong sa paghanap asin sa pagligtas caitong nauará.
11 Asin can naghihinañiog sinda can magña bagay na ini, nagpadagos si Jesús asin nagsabi nin sarong halimbaua, huli ta duduman sia sa harani sa Jerusalem, asin huli ta nag-iisip na dagñan ipapahayag an cahadêan nin Dios.
12 Caya nagsabi sia: An sarong mahal na tauo nagduman sa sarong harayong provincia, sa pag-acô nia nin sarong cahadêan, asin nagbalic sana.
13 Alagad paca-apoda nia can saiyang sampolong oripon,
