35 Si duang babae nasa sa pagtabang nin pag-guiling: si sarô dadarahon, asin si sarô papabayaan.
36 Dua si nasa sa omá: si sarò dadarahon, asin si sarò pababayaan.
37 Asin sa pagsimbag siminabi sa saiya: Sain Cagurangnan? Asin siya nagsabi sa sainda: Con sain camumugtac an bangcay hauac, duman magtitiripon man an magña águilas.
1 Asin pinahayagan man sinda nin sarong halimbawa dapit sa caipuhan na magpamibi guiraray, asin day magluya.
2 Na an olay: Igua nin sarong hocom sa sarong ciudad, na siya day gñani natatacot sa Dios, day man gñani guinagalagñan an tauo.
3 Igua man duman sa ciudad na ito nin sarong babaeng bálo, na nagdoloc sa saiya, na nagsabi: guibohon mo sa sacuya an catanosan dapit can sacuyang caiual.
4 Alagad siya day námoot may nagcapirang aldao; condi nagsabi pacatapus caini sa irarom nin boot niya: minsan gayod day aco natatacot sa Dios day man gñani aco minagalang sa tauo,
5 Marahay pa, háros ta an babaeng bálong ini nacacapurisau sa sacuya, guiguibohan co siya nin catanosan, gñaning day na pomadigdi asin romiboc pa sa sacuyá.
6 Asin nagsabi an Cagurangnan: binanioga nindo an sinasabi can hoco na bacong matanos.
7 ¿Asin an Dios day guiguibohan nin catanosan an magña pinili niya, na nag-i-iyác sa saiya sa aldao asin sa bangui, minsan siya matioson dapit sa sainda?
8 Sinasabihan co camo na sosorogon sinda nin madalê. Alagad con an áqui nin tauo domatong, ¿macacacua dao siya nin pagtubod digdi sa daga?
9 Asin nagsabi man sa magña iba na nagsasarig sa sainda man sana na siring sa magña matanos, asin pinapahamaçan an magña iba, caining halimbauang ini:
