9 ¿Nagpasalamat sa oripon huli ta guinibo itong ipinagboot sa saiya? Sa honâhonâ co na day.
10 Siring man sana camo, con guinibo na baga nindo an gabos na ipinagboot sa saindo, magsasabi camo: Anan ca ming magña oripon na mayo nin capacânan, háros ta itong maninigo níamong guínibo, guínibo niamo.
11 Asin nangyari na nagpasiring siya duman sa Jerusalem, ominaguí siya sa tahao nin Samaria asin nin Galilea.
12 Asin can naglaog sa sarong Nayon ó aldea, nagpanarabat sa saiya si sampolò catauo na magña daóton, na sinda nag- norontoc duman sa harayó,
13 Asin nagcururahao, na an magña sabi: Jesús, Maestro, caheracan mo cami.
14 Asin can pagcahiling niya sa sainda, sinabihan niya. sinda Lomacao camo, magpahayag camo sa magña sacerdotes: Asin nangyari na can nagpapasiring na sinda duman, nagcarilinigan sinda.
15 Dagñan caini si saró sa sainda, huli ta nahiling sinda na nalinigan na, nagbalic, nagpapamurauay sa Dios sa daculang tignog:
16 Asin idinocò an lalaugon niya sa saiyang magña bitis, nagpapasalamat sa saiya: Asin íní tagá duman sa Samaria.
17 Asin can pagsimbag ni Jesús, nagsabi: ¿Bacong sampolo si nagcarilinigan? ¿Asin si siam sain camumugtac?
18 Day nin síysay man na nagbalic asin magtao nin camuranayan sa Díos, condi ining tagá íbang nación?
19 Asin nagsabi sa saiya: Tomindog ca, lacao na; si saymong pagtubod ilinigtas ca.
20 Asin can hapoton nin si magña Fariséos con noarin madatong an cahadêan nin Dios, sinimbag sinda, asin nagsabi: An cahadêan nin Dios day madatong na maaaraman.
21 Day man magsarahi camo: uya digdi, ó yaon dian: háros ta uya-na an cahadêan nin Dios yaon sa tagñá nindo.
