10 Alagad con maaloc ica, paduman ca, asin tumucao ca sa hudian na tutucauan; háros ta con domoloc itong nag-aloc saymo, na sabihan ca: Catood, sumacat ca sa itaas: con siring may camurauayan ca sa atubang nin magña cairiba mo na nagtuturucao dian sa lamesa.
11 Háros ta siysay man na nagpapahalangeau, ·papacumbabâon; asin si nagpapacumbaba, papahalangeauon.
12 Asin nagsabi man sa nag-aloc sa saiya: Con nag-guiguibo ca nin cacanon 6 haponan, day ca mag-aloc sa magña catood mo, minsan sa saymong magña capag-araquian, minsan sa magña cataraid na magña mayaman; ta gñaning sinda man day ca balosan na alocon, asin maguibo sa saymo au balos.
13 Alagad con mag-guibo ca nin andam, áloca au magña dukhâ ó mayong sucat, an magña quimay, an magña pirilay, an magña butá :
14 Asin maninipaladan ca; huli ta day ca mababalosan ninda; condi pagbabalsan iyan saymo sa pagcabuhay liuat nin magña banal.
15 Asin can pagcadagñog caini nin si saro sa magña cairiba na nagtutucao sa lamesa, nagsabi sa saiya: Paladan an macacapagcacan nin tinapay duman sa cahadêan nin calagñitan.
16 Caya siya sisabihan ito: Si sarô catauo nag-guibo nin sarong daculang haponan, asin nagñagda siya nin dacol na tano.
17 Asin can panahona nin panhapon ó pamangui sinogò an saiyang oripon na magtaram sa magña quinombida niya: magpandirigdi na camo ta si gabos anan na naandam na.
18 Asin nagporoon si gabos sararo sana sinda na magsarayuma. Si naenot sinabihan siya: Nagbacal aco nin sarong latê, asin nagcacaipo acong lomacao sa paghiling caiyan; caya naquiquimaherac aco sa saymo na pasayumahon mo aco.
19 Asin si sarô nagsabi: Bominacal aco nin limang padis na baca, asin padudumanan cong balôon; naquiquimaherac aco saymo napapagcanigoon mo an panayuma co.
20 Asin si sarô nagsabi: Bâgo acong casalon, asîn nin huli caini day aco macaca padian.
