gam sa halagá sana nin duang bilog? caya minsan sarò sa
sainda day nacacaligñao sa atubang nin Dios.
7 Asin mínsan an magña bohoc nin saymong payo nabibilang. Caya day nangayod camo matacot: labi ca mahalaga camo sa dacol na nagña gamgam na saradit.
8. Asin sinasabihan co camo na gabos ito na ipagboboyboy aco sa atubang nin magña tauo, an aqui man nin tauo ipagboboyboy man siya sa atubang nin magña ángeles nin Dios;
9 Alagad an magpainda sa sacuya sa atubang nin magña tauo, papaindahan man siya sa atubang nin magña ángeles nin Dios.
10 Asin gabos idto na magtataram nin tumang sa áquí nin tauo, ipapatauad sa saiya; alagad an magduhagui tumang sa Espíritu Santo, day saiya ipapatauad.
11 Asin con dadarhon camo sa magña sinagogas, asin sa magña Magistrados, asin sa magña mapangyari, day camo magpacahigñat ó magandam con papááno an saindong isisimbag, ó con ano an saindong itataram;
12 Háros ta an Espíritu Santo totocdoan camo sa panahon man sanang iyan caitong magcacanigong isabi;
13 Asin nagsabi sa saiya si sarò sa pagiriba: Maestro, sabihan mo an sacuyang tugang na hirasan aco can pamana.
14 Asin ini sinabihan niya: Táuo, ¿siysay an nagbugtac sa sacuyâ, na mani hocom ó parahíras dian sa saindo?
15 Asin sinabihan sinda: Hiligña nindo, asin lomicay camo sa gabos na caimotan; háros ta an buhay nin tauo bacong huli sa cadaculan nin rogaring na nasasadirihan ó quinacaptan.
16 Asin binaretâan sinda nin sarong halimbaua, na nagsabi: An rogaring na dagâ nin sarong tauo na mayaman nagtobô nin dacol;
17 Asin íni naghorop-horop sa irarom nin boot niya, na nagsabi: Anong guiguibohon co, ta day mayó aco nin matitiponan nin sacuyang magña bugña ó inani?
