22 Asin nangyari sarong aldao na siya liminunad sa sarong sacayan sagcod can saiyang magña discípulos, asin sinabihan sinda Mabaralió quita sa ibong nin dánao. Asin nagpanduruman.
23 Alagad nin si nagsasacay pa sinda, siya nagcatorog. Asin dominatong si sarong baguió nin doros duman sa dánao; asin natogob sinda nin tubig, asin nasa pagalaman na malonod.
24 Asin nagpanharani sa saiya, pinucanan siya, na nag sarabi: ¡Maestro, Maestro, na magcacagaradan quita! Asin pagmaté niya, tinuyao niya si doros asin si baguio nin-dagat; asin nagpan-orontoc, patín napacarahay si panahon.
25 Asin sinabihan sinda: ¿Háen si saindong pagtubod? Asin nagcataracot, nagñag-gñaralas, na nagsarabi sinda sa sainda man sana: Siysay baga ini dao na minsan sá magña doros asin sa dagat nagboboot, asin sinosonod siya?
26 Asin nagñagsacay pasiring sa daga in magna Gadarenos, na nasa enotan nin Galilea.
27 Asin can paglogsot niya sa daga, dominatong na nasabatan niya sa may ciudad si sarò catano na igua nin magña demonios sa haloy nang panahon; asin day nagsosolog nin gubing, day man nagoontoc sa harong, condi sa magña lolobgñan.
28 Na ini, pagcaquita quí Jesús, nagcura hao asin liminohod sa atubang niya, patin nagtaram sa daculang tigñog: Ano an sacuya sa saymo, Jesús, na áqui nin Dios na cahorohalangcaue? Naquiquimaherac aco sa saymo na day mo aco pagpasaquitan.
29 (Háros ta pinagbobôtan si espíritung marupit na lumuhas duman sa tauo: háros ta sa haloy nang panahon sinasadiri niya siya asin linalaon siya sa bilangoan na may magña cadena asin ramal; alagad nin si pagcaralaglag can magňa
