3 Alagad ini iyo idtong ibinaretâna nin profeta Isaias, na nagsabi:
- An tignog nin sarong nagcucurahao sa patag:
- Andamon nindo an dalan nin Cagurangnan,
- Tanoson nindo an saiyang magña aaguihan.
4 Asin si Juan man saná nag-gugubing nin balucag qui camello, asin sarong hágcos na anit sa palibot nin saiyang habayan; asin an saiyang cacanon iyo an magña doron asin tanguli sa cádlagan.
5 Dagñan nagdudurumán sa naoontocan nia an Jerusalem, asin bilog na Judea, asin an bilog na palibot sa harani nin Jordán;
6 Asin sinda binuniagan nia sa sálog nin Jordán, pinagboboyboy an saindang magña casâlán.
7 Tará can mabiling nia si cabalaquidan nin magña Fariseo asin magña Saduceo, na nagdirigdi sa saiyang pagbuniag, sinabihan sinda: Capagaraquian nin magña rimoranon, ¿siisay an nagtocdó sa saindo sa pagdolag sa caangotan na madatong?
8 Mag-guiribo gñani camó nin maninigong magña bugñá nin pagsolsol;
9 Asin day camó magisip na magsabi sa irarom nin saindong boot: Si Abraham iyo an bilang samuyang Amâ: huli ta sinasabi co sa saindo na an Dios macaca-paguimatá nin magna áqui sa qui Abraham minsan gayod sa magña gapong ini.
10 Gnunian, nabubugtac naman an patoc sa gamot nin magña cahoy: asin an gabos na cahoy na day namumugña nin marhay, popotolon asin isosogba sa calayo.
11 Acó sa catotoohan binobuniagan co camó sa tubig nin pagsol-sol; tará an madigdi sa hurihan co, labi pa an capangyarihan sa sacô; na an saiyang magña chapin day acó maninigô na magdará; sia bubuniagan camó sa Espiritu Santo, asin sa calayo.
12 An saiyang saligsigan nasa saiyang camót, asin lilinigon nin marhay an saiyang guiguinican; asin titiponon an saiyang trigo sa tambobong; alagad sosoloón an dagami sa calayo na day mapaparong.
