44 na dumán an saiyang olod day nagagadan, asin an calayo day napaparong.
45 Asin cun an saimong bitis mani dahelan sa pagcabolog mo, potolon mo: ta marahay pa saimo na maglaóg cang pilay sa buhay, na igua nin duang bitis, na itapoc sa infierno:
46 na dumán an saiyang olod day, nagagadan, asin an calayo day napaparong.
47 Asin cun an saimong matá mani dabelan sa pagcaraot mo, oluaton mo: ta marabay pa samo maglaóg sa cahadean nin Dios can sarong matá, na iguá nin duang matá, na itapoc sa infierno;
48 na dumán an saiyang olod day nagagadan, asin an calayo day napaparong.
49 Huli ta sarò-saro iiramon can calayo, asin gabos na dolot iiramon can asin.
50 Marahay an asin: alagad cun an asin tumabang ¿anó dao an iloloto nindo? Magcaiguá camó sa saindo man saná nin asin, asin magcaigua camó nin catiuasayán.
1 Asin can paghalê dihan, napadunán sa magña sacop nin Judea asin dumán pa sa Jordan: asin an magna cadaclán nagbalic magtiripon sa palibot nia; asin, siring sa saiyang caugalean, tinotocdoan sinda liuat.
2 Asin pagdaratong sa saiya can magna Fariseo, pinag- barapot sia, ta tinotócso sia: ¿Itinotogot sa lalaqui na bolagan an saiyang agom?
3 Asin nagsimbag sia no nagsabi, ¿Anó an pinagboót sa saindo ni Moisés ?
4 Asin sinda nagsarabi, Si Moisés itinogot an pag-guibo can surat nin pagbolag, asin ta ibobolag sia.
5 Alagad si Jesús sinabihan sinda, Huli can catugasan nin saindong puso sinuratan camó nia caining togon na ini.
6 Alagad magpoón can capinonan nin paglaláng, an lalaqui asin babaye guinibo sinda nin Dios.