22 Asin parati na itinotoclang sia sa calayo asin sa magña tubig, ta gñaning magadán sia alagad cun icá macacaguibo nin ano man, maherac ca sa samo, asin tabagñan mo cami.
23 Asin si Jesús sinabihan sia, ¡Cun icá minatubod! an gabos na magña bagay mangyayari sa minatubod.
24 Asin tolos man saná an amâ nin barobatá nagcurahao, na nagsabi: Minatubod acó; tabagñan mo an sacong day pagtubod.
25 Pagcahiling gñani ni Jesús na an catauohan nagtiripon na nagdaralagan, sinagüe an espiritung marompot, na sinabi han, Espiritung púla asin bogñog, acó nagboboót sa saimo na lumuás ca sa saiya, asin ta day ea na maglaóg sa saiya !
26 Iyo idto na an espiritu nagcurahao, asin pinasaquitan sia ni macuri, nagluás; asin sia garong gadan; cayâ gñani an magña iba nagsarabi, Gadanna.
27 Alagad si Jesús quinaptan sia sa cauót tinanos sia; asin ini bominuhat.
28 Asin nin si lominaog siya sa harong, si saiyang magña discipulos pinagorosisa siya sa harayó Tádao ta cami day niamo iyan napaluas ?
29 Asin sinabihan sinda: Ining bagay na ini minsan sa anoman day maluas, condi sa pamibi asin ayuno.
30 Asin can pacaharali ninda dihan, nagralacao, sa Galilea; day nia boót na si-isay man macaisi.
31 Huli ta pinagtotocdoan an saiyang magña discipulo, asin sinabihan sinda, An Aqui nin tauo itatao sa magña camót nin catauohan, asin gagadanon sia; asin pacagadana sa saiya, sa icatolong aldao inagbubuhay sia liuat.
32 Alagad sinda day nasabotan ining tataramon; asíu nag- cataracot sinda na naghapot sa saiya.
33 Asin nagdaratong sa Capernaum; asin can duduman na sia sa harong, pighapot sinda, ¿Anong pigpasurubayan nindo sa dalan?
