7 Asin inapod sa saiya an cagduá, asin nagpoón pigpa-lacao sinda man-duá-duá; asin tinauán sinda nin cabagsican sa magña espiritung marompot;
8 asin pigbôtan sinda na day magará nin anoman sa dalan, cundi sorong sogcod saná; ni tinapay, ni lalågan nin cacanon, ni pirac sa saindang supot;
9 alagad magsorohot nin sandalias: asin day camó mag- gamit nin magcaduáng gubing.
10 Asin sinabihan sinda, Saen man camó lomaog na harong, paualat camó diban sagcod camó na mag-haralê dihan.
11 Asin idto gabos na day omacò ó magsabat sa saindo asin day man maghinaniog sa saindo, sa paghalê na nindo dian, palpaga nindo au cabo-cabo na yaon sa irarom nin saindong magña bitis, sa pagpatotoo sa sainda. Sa catotooban sinasabi co sa saindo na matitios pa an silot nin magña taga Sodoma asin Gomorra sa aldao nin paghocom, sa silot na manonognod sa ciudad na idto.
12 Asin can magpanluas, nagbubulit sinda na an magña tauo magsorolsol.
13 Asin nagpaluás sinda nin balaquidon na magña demo- nios, asin piglalahidan. nin lana an balaquid na magña nag- hehelang, asin pigpaomayan sinda.
14 Asin can pacadagñog caidto nin hadeng Herodes (huli ta an gñaran ni Jesús nacalacop na): asin nagsabi, ¡Si Juan na si Bautista nabuhay liuat sa magña gadan, asin nin huli caini ining magña cabagsican nangyayari sa saiya !
15 Alagad an iba na nagsarabi, Iyo si Elias. Asin an iba nagñagsarabi, Iyo an profeta, siring sa sarô nin si magña ibang profeta.
16 Alagad pagcadagñog caidto ni Herodes, nagsabi, Si Juan, na pinogotan co nin payó, sia nabuhay liuat.
17 Huli ta si Herodes man saná nagboot, asin dinacop si Juan, asin ipinagpalaog siang gapos sa bilangoan, dahel qui
