28 Huli ta nagsabi sa saiya man saná, Cun acó macaticuil cutána can saiyang gubing, maoómayan acó.
29 Asin tolos man saná napong-pong an pag-auas nin saiyang dugo; asin namatêan sa saiyang hauac na naomayan-na sa magña padusa nin saquit.
30 Asin iyo idto si Jesús, pagcamidbid sa saiya man saná can cabagsican na sa saiya gominican, nagligñoy sa cadaclán, asin nagsabi: ¿Si-isay an nagticuil can sacong magña gubing?
31 Asin an saiyang magña discipulo nagsarabi sa saiya, Nahiling mo na an cadaclán pinipiot ca, ¿asin nagsabi ca, Si-isay an nagticuil sacò?
32 Alagad sia dinagos an pagbiling sa palibot ta gñaning mahiling nia an babayeng nag-guibo caidto.
33 An babaye gñani, natacot asin pigtataquigan, na naisihan nia idtong guinibo sa saiya, nagdoloc asin paglohod nia sa saiyang atubang, asin sinabihan sia can gabos na catotoóban,
34 Asin sinabihan nia sia, Aqui, an saimong pagtubod ilinigtas ca; lacaó na sa catiuasayan, asín maomayan ca na nin saimong padusa.
85 Can sia nagtatarám pa, nagdumán si magña halê sa harong nin poón nin sinagoga, na nagsabi, An aqui mo gadana: ¿tádao ta pinagpapagal mo pa an Maestro?
36 Alagad si Jesús, na day pinaghalagahan an tataramon na pinagsabi, sinabihan an poón nin sinagoga, Day ca matacot, tubod saná.
37 Asin day sia nagtogot na si-isay man mag-ibá sa saiya, cundi si Pedro, asin si Santiago, asin si Juan na tugang ni Santiago.
38 Asin nagdaratong sa harong can poón nin sinagoga; asin si Jesús pinagbiling an caribocan, asin an magña pagtaragñis asin macuring inagraguay.
39 Asin pacalaóg nia sa laog, nagsabi sa sainda, ¿Tádao ta nagririboc camó asin nagtataragñis? an áqui bacong gadan, cundi natotorog.
40 Asin sinda nag-oolog-olog sa saiya. Alagad sia pacapagpaluasá can gabos, quinuá an amâ nin daraga asin an sai-
