An pahina na ini pigbalido
2
SAN MATEO 1.
- 11 asin si Josias inaqui si Jeconias asin an, saiyang magna tugang, sa panahon na pagtapocan sa Babilonia.
- 12 Asin pacatapocan sa Babilonia, si Jeconias inaqui si Salathiel; asin si Salathiel inaqui si Zorobabel;
- 13 asin si Zorobabel inaqui si Abiud; asin si Abiud inaqui si Eliaquim;,asin ai Eliaquim inaqui si Azor;
- 14 asin si Azor inaqui si Sadoc; asin si Sadoc inaqui si Aquim; asin si Aquim inaqui si Eliud;
- 15 asin si Eliud inaqui si Eleazar; asin si Eleazar inaqui si Matan; asin si Matan inaqui si Jacob;
- 16 asin si Jacob inaqui si Jose, agom ni Maria na namondagan ni Jesus, na iyo an gninagnaranan na Cristo.
- 17 Mala ta an gabos na magna capagaraquian, magpoon qui Abraham sagcod qui David, iyo an cagapat na capag-araaquian; asin magpoon qui David sagcod can pagtapocan sa Babilonia, cagapat na capagaraquian; asin magpoon can pagtapocan sa Babilonia sagcod qui Cristo, cagapat na capag-araquian.
Pagcamondag ni Jesu Cristo.
- 18 Asin an pagcamundag ni Jesucristo siring caini an pangyari: Na can si Maria na saiyang ina maagom na ni Jose, day pa sinda nagsasaro, nacua sia na nagnidam sa lalang nin Espiritu Santo.
- 19 Asin si Jose na saiyang agom, huli ta sia banal, asin habo na halean sia nin dagnog, naggayac na bayaan sia sa hilom.
- 20 Alagad dagnian na nag-iisip sia caini, uya digdi, an sarong angel nin Cagurangnan nagtugna saiya sa pagnatorogan, na nagsabi, Jose, na aqui ni David, day ca matacot sa pag-aco qui Maria na saimong babaye; huli ta an saiyang ipinagnignidam, sa talaga nin Espiritu Santo.
- 21 Asin magnagnaqui sia nin sarong aquing lalaqui; asin sia aapodon mo an saiyang gnaran na Jesus; huli ta ililigtas nia an saiyang banua sa saindang magna casalan.
- 22 Asin ini gabos nangyari ta gnaning maotob idtong sinabi nin Cagurangnan, sa gnoso nin profeta, na nagsabi:
