- 19
Tara pacaquita nin Infantang bantog
idtong si Tiñoso na duman sa togñod
tolos na binotsan an granadang capot
qui D. Juan naman sinalo tolos
Ini na an triste can macasalo na
caining magurang idtohong granada,
nagñacobhan gñani grandes na gabos na
huli sa nangyari gñagñalasan baga
Tara ining Hade sia na lonosan
napucan sa silla na tinotocauan
tolos nang dinoloc nin concejong anan
nagca sarong oras na di naumayan
Can maomayan na an olay iniho
abia na palad maraot na signo
tadao napasiring lolong na aki co
iyong pominocan corona co cetro
Con dagnan ta rogñao aki cong Infanta
gurang na lugadon na namomótan nia
an demonio gayod nagtacop sa mata
gñaning di mahiling principeng gabos na
Sa siring cadacol na magna maguinoo
dai na nagpili aki cong malobo
condi iyan sarong gurang na leproso
maca babaldi pang-paghilignon nin tauo
Dagnan nagboot na casalon na hayag
digdi sa palacio dai na isacat
iyan tampalasan aking mapagnahas
dai co na boot mahiling pa liuat
Caidto man tulos pagcacasal ninda
Infanta magurang pinagpahale na
idtong tolong tugang angot sabihon pa
an magña paglanghad sompa sabihon pa.
An olay na sabi tauong daing boot
an guibo mong iyan di ca na nasopog
marasa pa bayang dai mo kinuyog
an pobre tang ama sa sato nag-herot
